Cova5 news (30-01-2023) Misa agradesimentu Anu letivu 2023 iha eskola sekundaria Geral Publiku (ESGP-Sigla Portuguesa) Suai, Segunda (30/01) ne’e maka Administrador Munisipiu Covalima Francisco de Andrade hateten Eskola la’os fatin Arte Marsial, maibe eskola fatin atu aprende.
“Eskola la’os fatin arte marsial hotu hotu ne’ebé tama mai iha ne’e,husik atributu arte marsial iha liur neba, mai iha ne’e so hanoin ida deit atu aprende siensia, tanba dala ruma ha’u telefoni ba komandante dehan iha ne’e hurlele malu tan arte marsial, maibe atu hatete los ba ita bo’ot sira katak iha Eskola fatin atu aprende siensia, aprende esperensia ruma ne’ebé ita nia mistri sira iha,”. Dehan Administrador M. Covalima Francisco de Andrade.(30/01).
Iha fatin hánesan Administrador Munisípiu Covalima manifesta hanoin Governu loke liu husi ESGP Suai loke tan Eskola Paralelu rua, iha Sanfuk no Iha Salele, ho objetivu atu lori edukasaun besik liu ba komunidade sira, aleinde ne’e mos atu hak’man gastus komunidade haruka osan ba eskola.
Razaun seluk mak dadaun ne’e kondisaun iha eskola sentral la sufisiente ona atu ba estudante sira hamutuuk rihun tolu resin atu halo sira nia estudu.
”Loke Eskola Paralela rua ne’e ho nia objetivu primeru ita lori eskola hakbesik ba povu aileba nia oan sira, atu nune’e sira mos bele asesu ba edukasaun, no mos oinsa atu bele minimija ba estudante sira mak mai hosi Salele kuandu ha’u rona katak iha fulan ida sira selu ba transporte 30 dolar pur mes, kondisaun Eskola ida ne’e la primiti ona atu tau ema barak besik 3000 iha Eskola ida, tanba ho rajaun sira neba katak ita loke tan paralelu atu nune’e ema hotu hotu bele asesu ba edukasaun,” Haktenik Administrador Munisipiu Covalima.
Enkuantu Administrador Covalima dezafiu estudante sira, atu la akontese tan problema entre estudante sira lori grupu arte marsial naran, tan ne’e nia hameno ba Diretór eskola no manorin na’in sira atu dezativa estudante ne’ebé komete problema iha eskola, Sei fo karta transferensia, tanba estudante nia dever mak atu aprende no foin sa’e sira mak futura nasaun nian liu liu Covalima.
Jornalista:Jornalista [email protected]
Editor : [email protected]
Discussion about this post