Cova5 News(07/06/2024) Organização Não Governamentais (ONG) Centru Comunidade Covalima (CCC) halo pagamentu subsídiu ba toos na’in 130,ho montante osan hamutuk dolar rihun sanulu resin walu atus sia resin $ 18,921.50 liuhusi implementa programa Ho Musan-Ida Rai Matak, iha Postu Administrativu Tilomar,Munisípiu Covalima.
Tuir koordenadór Ho Musan-ida Rai Matak Januario de Fátima informa, Covalima implementa programa Ho Musan-ida Rai Matak atu dezenvolve komunidade nia moris, iha área rurál liuhosi atividade reflorestasaun iha área degradasaun kria amizade Karbonu liuhusi kuda ai-horis ne’e atu hasa’e ekónomia Família iha área rurál konserva no proteje rekursu naturál atu hasa’e kuñesementu kapasidade no abilidade ba komunidade iha área rurál hodi adopta ba mudansa klimátik.
“Komunidade nia moris iha area rural husi aktividades reflorestasaun iha area degradasaun iha area rural, kria amizade ba karbonu liu husi kuda ai horis, katak bainhira ita kuda ai oan ne’e ita sei hamosu mos karbonu liu husi ai horis bainhira ita kuda ai barak iha ita nia area sira maka ita sei halo mudansa ba ita nia moris no mos mudansa ba ita nia nesesidade, tamba ita iha area rural ne’e hare liu-liu ba ita nia nesesidade ne’ebe ita persiza lor-loron atu aumenta ita nia ekonomia hodi sustenta ita nia moris lor-loron nian”Koordenador ho musan ida rai matak Janiario De Fatima dehan.
Iha fatin hanesan programa manager Oxfam rai matak Sergio Bareto hateten, CCC halo pagamentu ba toos nain liuhusi programa Ho musan ida Rai Matak ne’e implementa uluk iha postu Administrativo Baguia , Munisípiu Baucau hodi habelar mai postu Administrativo Tilomar iha Munisípiu Covalima , iha tinan 2017 hahu implementa iha tinan 2019
“Programa rai matak hau atu esplika uituan katak inisiativa ida rai matak ne’e mosu husi inisiativa ho musan ida iha bagia iha tinan 2003,senora ida ho senhor ida ne’ebe hahu inisiativa ne’e iha bagia sira kuda ai oan pois kuda hotu tinan ida tama tinan rua halo pagamentu 50 sentavos kada ai oan ne’ebe sira kuda, entau inisiativa ne’e diak uniaun europeia hare katak persiza habelar ba munisipiu seluk labele hare deit iha bagia, entaun uniaun europeia kompleta husi nasaun 27 sira fo fundus ba prozetu ne’e atu hodi habelar ba munisipiu seluk, tamba ne’e mak tama iha covalima, liquisa, lauten,vikeke, no baukau” Programa manager Oxfam rai matak Dehan
Alende ne’e mos to’os nain suku beiseuk Januario Bareto sente orguilo ho programa rai mata ida ohin tamba bele fo ona benefisio ba sira no iha sira nia suku aldeia rai ne’ebe halai ate agora metin ona tamba ne’e programa ida ne’e labele para deit iha ne’e tenki implementa mos ba postu sira seluk
“Agradese tebes ba peograma ne’ebe halo rai matak, tamba ho rai matak ida ne’e mak hanesan bele fo benefisiu diak mai ami dalaruman uluk rai matak sei dauk tama iha ami nia suku no aldeia kada vez rai halai rai ladun metin entaun ho programa ida ne’e ami halao implementa duni ba ami nia rai tamba rai ne’ebe uluk halai agora metin ona, ai ida ne’ebe ami kuda ne’e mos fo benefisiu mos ba ami, tamba ne’e programa ida ne’e se’e bele aumenta labele para deit ne’e sei iha tempu no biban bele fo tan ai-oan ami atu nune’e rai ne’ebe mak sei luan ami bele kuda fali ai-oan” To’os nain suku beiseuk Januario Bareto deha
Entretantu implementasaun ba programa refere iha postu Tilomar hanesan iha suku Lalawa iha Aldeia Bitis ,Halimea , kota foun,no tulaeduk, suku Beiseuk iha Aldeia Baer Foholulik,Maubese Wala ,Nikir no Fatuk Metan no Suku Casabauk iha Aldeia Tabolo,Koloama no Kawauman ho montante osan rihun sanulu resin walu atus sia resin $ 18,921.50 hodi selu ba toos nain 130 ho total tipu ai mahoni hamutuk rihun tolunulu resin hitu atus walu resin 37,843 ne’ebe komunidde sira kuda.
Jornalista : Adriano Gusmão
Editor :Januario Barros
Discussion about this post