Covalima News(26/09/2022) Centru Comunidade Covalima (CCC) Segunda-Feira ne’e realiza enkontru reguler ho komunidade sira hodi fahe informasaun husi stakeholder ligadu ho asuntu sira hanesan Inkluzaun ema ho Difisiénsia, Tráfiku Umanu no Violénsia bazeia ba Jéneru hodi hasa’e Komunidade sira nia koñesimentu hodi brani halo advokásia ba defende sira nia direitu
“Aktividades ba ohin loron nian fahe informasaun stakeholder Sira ligado ho asuntu Sira ne’ebe Mak prioridade ka akontese iha Munisipio Covalima, liu-liu hare ba iha asuntu trafiku humanu no mos violensia bazeia ba jeneru oinsa atu hasae sira nia konesimentu no konsiensia hodi nune’e feto sira brani atu halao advokasia hodi defende ba sira nia direktur rasik” Koordenadora imforma
Iha fatin hanesan membro konsellu suku Domingos savio Gusmão nia sente kontente tamba hetan ona imformasaun kona ba igualdade jeneru no lei trafiku humano nian hanesan membru konsellu suku sei fahe tutan ba nia komunidade sira
“ Iha formasaun ida ne’e ami sente kontente tebes tamba iha ne’e hetan ona material kona ba igualdade jeneru ho lei trafiku humano ne’ebe ami sente kontente ho imformasaun ida ne’e tamba komunidade balu seidauk hatene kona ba ida ne’e hanesan membru konsellu suku nian ami sei habelar hatutan imformasaun ne’e ba komunidade sira”Domingos dehan
Entretanto formasaun ne’e realiza iha salaun Centro Comunidade Covalima hetan partisipasaun husi Komandante VPU Munisipio Covalima koordenadora Fokupers inklui Komunidade sira, maibe Centru Comunidade Covalima mos iha planu atu kobre Suku no Aldeia ne’ebe iha area rurais.
Jornalista : Adriano Gusmão & Nina Costa
Editor : Tynho Gusmão
Discussion about this post