Cova5 News (13-09-2022) Bazeia ba estatutu Artigu 14 aliña 4, maka Tersa-Feira ne’e Centru Comunidade Covalima (CCC) realiza enkontru anual ho tema “ Haklaken, Hein, Simu, no Hamutuk hodi hala’o hakat ba oin”, ho objetivu atu aprezenta relatóriu atividade anual, no finansa husi fulan Jullu 2021 to’o fulan Juñu 2022 inklui aprezenta lista kandidatura membru komisaun Centru Comunidade Covalima.
Ba Jornalista sira Diretór CCC Alberto de Jesus Barros hateten, Realiza enkontru anual ne’e hanesan dalan úniku ida atu promóve ninia transparánsia akuntabilidade ba públiku sira.
“Enkotru jeral anual ba dala rua nulu resin ida (21) Centru Comunidade Covalima nian mak enkontru anual mak dalan úniku ida ba Centru Comunidade covalima atu promove ninia transparánsia no akuntabilidade ba iha públiku kona-ba ninia atividade no orsamentu ne’ebe durante tinan ida hetan osan hodi halo atividades ba iha komunidade ho regra rasik entaun objetivu prinsipal maka atu transparánsia ba públiku kona-ba saida mak durante Centru Comunidade halo no objetivu seluk maka atu halo kompletu estrutura ba iha konselu Centru Comunidade Covalima ninian no objetivu seluk maka apresenta relatoriu atividades no finansa hodi hatudu ninia transparánsia ba públiku”.
Diretór ne’e hateten, Centru Comunidade Covalima iha planu etratéjiku rasik atu haforsa feto ba lideránsa no Advokásia, vida ekonómia Nsst.
“ Centru Comunidade Covalima iha ninia planu estratéjiku rasik nia fokus area primeiru mak haforsa feto iha Covalima liu husi estratéjia haforsa feto ba lideransa no advokásia haforsa feto ba vida ekonómiano mos liga feto sira ba iha sira seluk ONG sira seluk atu promove sira nia ekonómia familia ida seluk maka advokásia no influénsia atu nune’e Centru bele halo advokásia baixa relevante ba sira ne’ebe iha kbi’it atu resolve problema ne’ebe komunidade hasoru terseiru maka haforsa organazisionál ne’ebe liu husi kapasitasaun ba staff sira halo polítika organizasaun ne’ebe que inklui mos polítika ema ho defisiente,polítika inkluzaun social para la iha diskriminasaun”.
Enkuantu duránte ne’e Centru Comunidade Covalima mos fasilita ona bolsu estudu ba ema nain 58 husi total ne’e nain 46 maka hetan ona servisu.
Entretantu enkontru jerál anual ne’e realiza iha Salaun Centru Comunidade Covalima, partisipa husi reprezentante Administrador Munisipiu Covalima, Ong lokál, Nasionál no Internasionál, inklui Komunidade sira seluk.
Jornalísta : Ansa Nunes & Jino Gusmão
Editór : Tynho Gusmão
Discussion about this post