Cova5 News(24/04/2023)-Segunda ne’e Diretor Comisaun Nasional Eleisaun CNE Hermenegildo De Sena iha servisu fatin imforma ba jornalista sira katak, CNE identifika ona Orariu ba atividades kampania Eleitoral ba Partidu Politiku sira ne’ebe mak atu tuir Kampania iha Covalima maka partidu sanulu resin hitu (17) ne’ebe hahu ona kampania iha loron 19 liu ba to’o loron 23 ne’e,hafoin partidu 6 mak halao kampania ,maibe partidu rua mak la hetan nia presensa iha Covalima.
Husi Partidu ne’en ne’ebe mak halao ona kampania mak hánesan Partidu,PDN,PVT,PDC, FRETILIN,PR,no husi Partidu Asosiasaun Popular Monarkia Timorense (APMT) no Partidu Republicano (PR) mak la halao atividades kampania Partidu nian iha Covalima.
“Tuir orariu Nasional ba Kampania Eleitoral Partidu 17,ne’ebe hahu kampania iha loron 19 iha Munisipiu Covalima ne’ebe primeiru iha loron 19 fulan ne’e,partidu APMT maka la halao nia atividade iha Munisipiu Covalima,tantu kampania, dialogu no dortudor,”Hateten Diretor Comisaun Nasional Eleisaun CNE Munisipiu Covalima Hermenegildo De Sena Dehan iha nia servisu Fatin. Segunda(24/04).
Diretor CNE ne’e hatutan,Iha loron 21 fulan ne’e partidu ne’ebe maka halo nia atividade Partidu Dezemvolvimentu Nasional (PDN) no tuir orariu Nasional no mos hetan alternasaun katak atividade ne’e halao iha Maukatar suku Holpilat,no meudia halao iha postu Suai suku Suai Loro, no lokraik iha Zumalai suku Lepo, iha loron 22 fula ne’e, Partidu Repubika (PR) iha orariu fatin ne’e iha postu Suai suku Kamanasa na’a realidade sira la halao sira nia atividade iha Munisipiu Covalima.
Enkuantu iha loron 22 partidu Verdes Timor halao nia atividade tuir orariu nasional ne’ebe mak CNE hetan,kampania halao iha Suai Loro, iha ne’eba mos CNE Munisipiu Covalima identifika labarik minoridade balun mos hola parte iha kampania Partidu Verdes Timor nian, no mos iha grupu balun simu presidente Partidu Os Verdes Timor husi Gupu organizadu,maibe tuir lei labele, karik ema ne’ebe idade 16 no 17 ba leten bele partisipa kampania, iha loron 23 fulan ne’e Partidu rua maka halo nia atividade Partidu (PDC) ho Partidu FRETILIN, partidu PDC halao nia atividade mini kampania iha postu Zumalai suku Tasilin Aldeia Bora ikun, hotu tia ida ne’e mos Partidu Fretelin halao nia ativudade kampania iha kampu Ladi Munisipiu Covalima,” Hateten Diretor CNE Munisipiu Covalima.
Entretantu partidu politiku sira maka agora dadaun halao ona sira nia atividades hanesan kampania Dialogu Dortudor fahe brosur iha Munisipiu Covalima ne’e husi loron 19 to’o loron 23 fulan abril ne’e hamutuk partidu politiku 6 mak maka halao ona atividade iha Munisipiu Covalima
Jornalista : Adriano Gusmão
Editor : Januario Barros
Discussion about this post