Enkontru STAE Munisipiu Covalima ba Preparasaun ElPar2023

Cova5 News(09/05/2023)Tresa-feirra ohin STAE munisipiu covalima enkontru ba preparasaun eleisaun parlamentar 2023.

Ba jornalista sira Diretor STAE munisipiu covalima Fransisco Gusmão explika, atividades ohin STAE munisipiu halo atu divulga informasaun preparasaun ba entidades hotu-hotu iha munisipiu covalima konaba preparasaun ne’ebe mak atu halo iha loron hirak tuir mai, no mos iha loron 12 sei foti vuleting votus iha STAE nasional.

“Atividades ohin ne’ebe mak STAE munisipiu halo iha inkontru ne’ebe realija tia ona, ne’e atu hodi divulga informasaun ba preparasau STAE munisipiu covalima nian ba entidades hotu-hotu iha covalima, konaba preparasaun ne’ebe mak ita atu halao iha loron hirak tuir mai, hanesan iha loron 12 sei foti material vuletin votus iha nasional hodi mai STAE munisipiu covalima, depois sei kontinua ho verifikasaun ba vuletin votus ne’e iha ne’eba ita hare buat balun ne’ebe mak foer ruma tinta kona sira ne’e hasai kedas atu labele difikulta ita nia ofisial eleitoral sira iha sentru votasaun baihira vota”Dehan Fransisco Gusmão diretor STAE munisipiu covalima.

Iha fatin hanesan representante administrador munisipiu covalima Fransisco De Jesus Alves hateten, parte logistik nian administrasaun munisipiu covalima serbisu hamutuk ho STAE, covalima hodi prepara transporte hamutuk 20 ne’ebe atu apoiu ba prosesu eleisaun iha loron 21 fulan maiu tinan 2023 iha munisipiu covalima.

“Parte logistiku nian administrasaun munisipiu covalima hamutuk ho STAE, prepara transporte ninian ita iha mos tramsporte lubuk ida apoiu husi entidades hotu-hotu liu-liu administrador postu sira ne’ebe iha transporte rasik serbisu munisipal sira delegasaun teritorial sira ami iha ne’e hamutuk kareta kuaje 20 ital ne’ebe mak prepara atu bele apoiu ba prosesu eleisaun iha munisipiu covalima”Dehan Fransisco De Jesus Alves reprejentante administrador munisipiu covalima, iha salaun STAE.

Alende ne’e mos komandante PNTL munisipiu covalima Basilio De Jesus hateten, polisia sei asegura masimu no sei la fo espasu ida ba se’e deit tantu individu ou grupus organizadu atu destroi establidade iha momentu eleisaun parlamentar 2023.

“Polisia nia papel mak hanesan ne’e hakarak ka lakoi tenki asegura maksimu nen fo espasu ida ba see deit tantu i dividu no grupus organijadus, atu destroi establidade iha momentu eleisaun parlamentar 2023 ida ne’e, no mos liu-liu ba oha loron 21 hahu oras ne’ebe determina tuir lei, ate 03 oras lokraik no mos ida tan segundu faje ho kontajen votus iha ne’eba polisia sem pursentu fo grantia masimu ba iha asuntus segurasa, la fo espasu ba grupu see deit individu see deit iha tempu votasaun”Dehan Basilio De Jesus komandante PNTL munisipiu covalima, iha STAE munisipiu covalima.

Entretantu enkontru ba preparasaun eleisaun parlamentar 2023, ne’ebe realija iha salaun STAE munisipiu covalima ne’ebe partisipa husi representante administrador munisipiu covalima, diretor STAE covalima, diretor CNE Covalima, komandante PNTL, diretor serbisu munisipal sira, inklui partidus politiku sira

Jornalista : Adriano Gusmão

Editor : Januario Barros