Cova5 News (20-09-2022) Diretór Servisu Munisipal Edukasaun Munisipiu Covalima Rui Amaral Suri Seran Segunda-Feira ne’e iha nia kna’ar fatin hateten, tuir dadus ne’ebe Edukasaun Munisipiu rekolla iha Eskola Ensinu Báziku no Sekundáriu sira iha Covalima, Estudante Finalista hamutuk 2.812 maka sei partisipa iha Ezame Nasionál ba periódu tinan ne’e, ne’ebe sei realiza iha fulan Outubru tinan ne’e.
Total husi Estudante 2.812 ne’e, kompostu husi Eskola EBC hamutuk 1.761, Ensinu Sekundáriu Geral hamutuk 800, no Ensinu Sekundáriu Tékniku Vokasionál hamutuk 251.
“Husi Janeiru to’o agora ita konfirmadu konaba dadus ida ne’ebe maka atu partisipa iha Ezame Nasionál ano lektivu 2022, Finalista husi Ensinu Báziku total 1.761 kompostu husi Mane 848, Feto 913, Ensinu Sekundáriu Geral 800 kompostu husi mane 320, Feto 480, depois Eskola Tékniku Vokasionál hamutuk 251 kompostu husi mane 140, Feto 111, sira ne’e maka prontu ona atu partisipa iha Ezame Nasionál ne’ebe sei realiza iha Fulan Outubru tinan ne’e” Rui Amaral Suri Seran dehan.
Entretanto Diretór Servisu Munisipal Edukasaun Munisipiu Covalima ne’e husu ba Estudante Finalista sira atu prepara an didiak no kuidadu saúde atu nune’e bele partisipa ho diak iha Ezame Nasionál ne’ebe sei realiza iha fulan Outubru tinan ne’e.
Jornalísta : Narsizio dos Reis
Editór : Tynho Gusmão
Discussion about this post