Cova5 News (20/07/2022) Uma Transitoriu Fokupers Munisipiu Covalima husi fulan julhu tinan 2022 ne’e simu keixa mos husi feto nain tolu ba Fokupers tanba arguidu FC hatudu oin lulik ka sigla Portugues Ezobionismo) ba feto nain tolu.
Kordenadora Uma Transitoriu Fokupers Munisipiu Covalima Antonia De Jesus informa, husi fulan julhu ne’e simu informasaun husi Vitima feto nain tolu apresenta keixa ne’e ba Fokupers,tanba Arguidu FC ho idade 38 hatudu oin lulik ba feto nain tolu iha Munisipiu Covalima.
“Husi fulan Jullu nian ami Fokupers foin registu mos kazu feto tolu ezebionismo ka hatudu oin lulik ba sira, Ne’ebe ezebionismo ne’e atu dehan intersante tebes kazu ida ne’e kazu ida deit argidu ida deit iha vitima nain tolu ne’e mosu iha ita nia Munisipiu Covalima rasik, ezobionismo ne’e katak nia hatudu deit nia sasan lulik ba ita nia maluk feto sira ne’e,ne’e mos katak ita lei Timor-Leste konsidera krime ida ne’e entaun ita registu,’’Hateten Antónia De Jesus iha nia kna’ar fatin kuarta ne’e.
Kordenadora Uma Transitoriu Fokupers Munisipiu Covalima Antónia De Jesus ne’e haktenik,Arguidu hatudu oin lulik ne’e konsidera hanesan Krimi, Fokupers sei tau kosiderasaun ba Vitima nain tolu ne’e nia sentimentu,Tanba ne’e iha tempu badak hodi ajuda hato’o ba Ministeriu Publiku (MP).
“Nia prosessu registu ona iha Ministeriu publiku no prosessu lao tuir lei Timor -leste ne’e ninian.tamba ita hotu hatene katak ida ne’e hasai fatin lulik ba ema ne’ebe seidauk iha konesimentu oinsa aktu aktu Sexsual sira ne’e seidauk iha konesimentu ida ne’e lei iha Timor- Leste la fo dalan. ita atu livre ne’e maka oras ne’e dadaun registu ona iha Ministeiru Publiku no prosessu sei lao,’’Tenik Antónia De Jesus.
Entretantu Kordenadora uma Transitoriu Fokupers Munisipiu Covalima husu ba feto maluk sira ne’ebe mak hasoru feto maluk sira hanesan kazu Violensia Domestika, kazu Abuzu Sexual no kazu seluk seluk ne’ebe konsidera hanesan krime, labele tauk atu hato’o keixa ba Parte relevante ne’ebe mak eziste iha Munisipiu Covalima ,hodi nune’e prosesu tuir lei.
Jornalista :Natercia Amaral //Daniel de Araujo
Editor :Janubarros
Discussion about this post