Cova5 News (03-10-2022) Federasaun Wushu Nasionál Timor-Leste (FWNTL) iha Postu Administrativu Zumalai Suku Lour Aldeia Nagidal Sabadu semana kotuk realiza serimónia tomada de Posse ba Presidente Wushu Covalima ho nia Sekretáriu inklui Estrutura sira iha Postu Lima iha Munisipiu Covalima, alende ne’e mos FWNTL iha Postu Zumalai kesi Sintu Metan ba Treinador foun hamutuk 21.
Ba Jornalista Cova5 News Sekretáriu Jerál Federasaun Wushu Nasional iha Munisipiu Covalima Benzamin da Costa hateten,Tomada de pose ne’e ba pozisaun hanesan Presidenti, Sekretáriu, no Tezoreira inklui ho estrutura sira husi Postu Admistrativu Lima (5) hanesan Postu Maukatar,Tilomar, Suai vila, Zumalai, no Fatumea.
“ Ba eventu ida ohin maka primeiru ami halo tomada de posse ba estrutura foun hanesan Presidente, Sekretáriu, inklui ho Estrutura postu sira hanesan Zzumalai, Maukatar, Suai, Tilomar nomos Fatuema, ne’ebe ba Postu rua maka ita la estrutura tanba atividades Federasaun iha Postu rua ne’e la iha, depois ohin Treinador foun 21 maka kesi sintu Metan, ne’ebe hau husu ba sira atu loke liras nafatin hodi buka membru foun ne’ebe atu inklina iha Federasaun ne’e” Bemzamin dehan iha intervista.
Enkuantu Reprezentante Sub CRAM Munisipiu Covalima Albertu de Araujo Moniz hato’o parabens no orgulu ba Federasaun wuhsu Municipiu Covalima, maske nune’e nia husu nafatin ba Treinador sira atu kumpri Juramentu ne’ebe maka sira halo, alende ne’e mos nia husu atu kumpri mos orariu atu trenu ne’ebe maka iha.tamba simu ona Sintu Metan ba tinan 2022, maske nia husu nafatin ba Treinador sira atu eduka membru sira, atu nune’e respeita lei ne’ebe mak iha.
“ Hau hato’o hau nia parabens ba graduante sira ne’ebe maka ohin kesi Sintu Metan, no hau husu ba treinador sira atu kumpri juramentu ne’ebe maka halo ona, nomos kumpri oráriu atu treinu ne’ebe maka iha, iha ne’e hahu husi tuku 04:00 Otl to’o 9:30 Otl” Alberto dehan.
Entretantu Sekretáriu Jerál Wushu iha Munisipiu Covalima husu membru sira hotu atu hametin Paz no estabilidade ba iha Nasaun Timor-Leste liu-liu iha Munisipiu Covalima.
Jornalísta :Natercia Amaral & Ansa nunes
Editór : Tynho Gusmão
Discussion about this post