Cova5 News(25/04/2023) Tersa-feirra ohin Grupu Lo’otasi konvida Organizasaun Naun Governamentais (ONG) Leno Dalan Ba Komunidade (LEDAK) hamutuk ho Autoridade lokal no segurança PNTL no Sektorais sira hotu hodi lansa kuda Ai-parapa iha suku suai loro Postu Administrativu Suai Munisipiu CovalimaCovalima oinsa hodi redus risku no dezastre .
Tuir Diretor ONG Ledak Rosalino Dos Santos explika, Objetivu kuda Ai-parapa iha Suku Suailoro hodi konserva ambiente no redus risku ba dezastre liga ba kontribuisaun ba adaptasaun mudansa klimatiku.
“Objetivu husi kuda ai-parapa iha suai loro ne’e bajeia ba ami nai titulu lansamentu katak konserva ambiente atu hodi redus risku ba dezastre liga liu ba kontribuisaun ba adaptasau. Mudansa klimatiku, tamba ne’e mak husi grupu ne’e husi ekipa ONG ledak so fasilita deit oisa atu fo kapasitasaun ba ita nia komunidade sira oinsa atu hasae sira nia konsiensia liu-liu ba iha konesementu Kuda ai-parapa ita kria grupu ne’e ho objetivu para sira mak tau matan ba iha ne’eba ita preve insentivu naton ba sira wain hira kua ai-parapa karik sira bele tau matan hodi garantia to’o moris atu hamatak fila fali rai ne’ebe istragus husi degradasaun mudansa klimatika”Diretor ONG Ledak Rosalino Dos Santos Dehan
Iha fatin hanesan reprejentante Administrador Postu Suai Augusto Borgues agradese tebes ba ONG Ledak ne’ebe fo nia apoiu ba Juventude no inan aman sira iha Grupu Lo’otasi.
“Primeiru lugar hau hakarak hato’o hau nia agradese ba ONG ledak ne’ebe mak fo nia apoiu ba inisiativu ne’ebe mak husi inan aman sira no joventude sira maka ohin loron bele lansamentu ba kuda ai-parapa iha tasi ibun atu nune’e hodi prevene tasi labele sae”Rep. Administrador postu suai villa Augusto Borgues Dehan
Alende ne’e mos representante Grupu Lo’otasi Faustino Soares hateten, Biberus sira ne’ebe husi grupu Lo’otasi halo ho inisiativa rasik hodi hakiak Ai-parapa ho nia durasaun fulan hat nia laran.
“Biberus ne’ebe ami grupu lo’otasi halo ho hanoin rasik hodi hakiak ai-parapa nia fuan ba biberus ne’e han fulan haat”Representante Grupu Lo’otasi Faustino Soares Deha
Enkuantu lansamentu kuda Ai-parapa ne’ebe hamutuk Ai-parapa 3.118 ne’ebe sei kuda iha pone kais Suai loro ne’ebe partisipa husi Administrador Postu Suai MAP, Guarda Floresta, komandante UPM Postu suai loro, Sentru Comunidade Covalima, no Autoridade lokal sira.
Entretantu Apoiu ne’ebe mak hetan husi ONG LEDAK ba material mak hanesan, paranet, Pregu, Gembor no mos Saniu be’e nian. ho Montante Orsamentu $.500 Dolar Americano.
Jornalista : Adriano Gusmão
Editor : Januario Barros
Discussion about this post