Cova5 News(27/04/2023) Kinta-Feirra horssik Ministru assuntu kombatentes libertasaun nasional Inagura monumentu ba saudoju nain 14 ne’ebe mate iha masakre 12 de setembru 1999 iha suku lactos postu administrativu Fohorem Munisipiu Covalima.
Ba jornalista sira ministru assuntu kombatentes libertasaun nasional Julio Sarmento Da Costa Meta Mali iha nia diskursu explika, kolia ba politika ita sira ne’e maka mantein ba moris iha nasaun ne’e no ita sira ne’e amaka pertense los ona maibe ita la hanoin iha pasadu katak u tauk ten mak u moris iha rai doben Tomor ne’e, maibe sira ida brani lolos maka sira nain 14 mate ba ukun rasik Aan iha suku lactos ida ne’e
“Ita kolia potika ita hanoin katak ita sira ne’e maka mantein da vida no iha nasaun ita sira ne’e mak pertense los ona, maibe ita haluhan tia iha passadu katak o tauk ten mak o moris ba rai doben ida ne’e, maibe ida barani lo-los maka saudoju 14 ne’ebe maka mate ona ne’e, hau laran susar wainhira hau halai sae mai balibar tun fali ba rona dehan lactos mate 14, ne’ebe mak militar inmdonesia sunu iha rai lactos, hau buka atu konese ida pur ida, sira ne’ebe mak mate ida ne’ebe mak sei moris, no ohin ita marka istoria ida iha rai lactos ita tama ona prejensa iha 15 ital anus ita nia situasaun sei runguranga hela, ita ida-idak hadau malu ukun haluhan povu nia moris povu nia susar povu nia terus, ohin amu kolia dehan autoridade hadia netik dalan, ukun iha ita bot sira nia liman favor ida fo atensaun tamba ida ne’e mak importante dezemvolvimentu ba povu ho nasaun” Ministru Assuntu Kombatentes Libertasaun Nasional Julio Sarmento Da Costa Meta Mali Deha
Iha fatin hanesan Presidene Veteranu Munisipiu Covalima Ojorio Soares Mau Soko iha nia intervista hateten, Forsa indonesia tiru mate joven 14 no mos forsa indonesia dada no butuk hamutuk hafoin fakar gajolina no lori sunu saudoju nain 14 nia mate isin ho ida ne’e mos joven lactos, datorua, datotolu, la rende ba forsa indonesia husi 1975 to’o 1999, ne’ebe ohin ita inagura monumentu 12 de Setembru 1999.
“Forsa indonesia tiru tia joven 14 mate no mos pois sira dada no forsa indonesia sira lori ba tau iha fatin ida no tesi sira nia ulun no sira tau karau ten, kuda ten, tau hamutuk iha matebian sira nia leten, de pois militar indonesia sira fakar gajolina no sunu, no mos saudoju 14 ne’ebe mate sira nia ulun lahatene militar indonesia sira lori ba los ne’ebe, maibe joventude lactos, joventude datorua, datotolu ne’e la rende ba indonesia deste 1975 to’o 1999” Presidente Veteranus Munisipiu Covalima Ojorio Soares Mau Soko Dehan.
Alende ne’e mos aman husi saudoju Afonso Ferirra hateten, agradese tebes ba governu ida ne’e ohin loron inagura ona monumentu masakre 12 de Setembru 1999 iha suku lactos ba saudoju nain 14 ne’ebe luta ba rai doben timor ida ne’e.
“Ami husi familia tomak orguliu teb-tebes no hato’o agradesimentu barak ba governu ida dadaun ne’e holaran no hoksolok teb-tebes halo ami kontenti tamba ohin loron monumentu ida ne’e realija mos iha fatin ida ne’e” Selestino Afonso Fereirra Dehan.
Ekuantu Munisipiuv Covalima iha ninia masakre rua kompostu husi masakre setembru negru ne’ebe akontese iha loro 6 fulan setembru 1999, iha igreja ave maria suai, no mos akontese tan masakre 12 de setembru 1999, iha suku lactos postu admonostrativu Fohorem ne’ebe rejulta ita nia saudosu nain 14 ne’ebe mak lakon sira nia vida ba luta libertasaun nasional ba rai doben timor-leste
Entretantu inagura monumentu masakre 12 de setembru 1999 ne’e ho orsamentu hamutuk $25.000 dolar amerikano, partisipa husi ministru assuntu kombatentes nasional, nai veteranus sira, seguransa PNTL Munisipiu Covalima, serbisu munisipal, sobre biventes sira, xefe suku lactos, inklui komunidade sira iha suku lactos postu administrativuv Fohorem Munisipiu Covalima
Jornalista : Adriano Gusmão
Editor : Januario Barros
Discussion about this post