Cova5 News (19-10-2022) Hahu husi Fulan Janeiru to’o Fulan Outubru tinan ne’e (2022), Servisu Alfandega Munisipiu Covalima kontribui rejeitas ba kofre Estadu hamutuk dolar Amerikanu rihun atus-rua-tolu-nulu-resin-ida, atus-hitu-ha’at-nulu-resin-walu, sentavu walu-nulu ($.231,748.8).
Kuarta-Feira ohin Diretór Alfandega Munisipiu Covalima Nuno Nugoera ba Jornalista sira hateten, rejeitas hirak ne’e rekolla husi importasaun normal no importasaun temporária.
“ Ita rekolla rejeitas ne’e hahu husi fulan Janeiru to’o metade Fulan Outubru ninian, ne’ebe total rejeitas refere hamutuk duzentus terinta e um mil, setisentus quarenta oito pontu oitenta sentavus, depois taxa hirak ne’e ita kobra mai husi importasaun normal IM4 sistema ne’e dehan nune’e, depois importasaun temporária ne’ebe mai liu fulan ita kobra tres pursentu (3%)” Nuno Nugoera dehan iha nia kna’ar fatin.
Diretór ne’e informa, husi total rejeitas ne’ebe Alfandega Covalima kontribui ba Kofre Estadu mai husi tipu importasaun tolu, kompostu husi tipu importasaun duty ho pursentu 2,5 %, Sales Tax 2,5 %, inklui Excise Tax.
“ Tipu ba importasaun ne’e rasik makai ta kobra dois virgula sinco (2,5%) ba importasaun Duty, depois segundu maka Sale Tax ne’e dois virgula sinco (2,5%), inklui Excise Tax, taxa hirak ne’e maka ohin hau junta hamutuk nia total maka ohin mensiona ne’e” Diretór ne’e hateten.
Entretantu Diretór Alfandega Munisipiu Covalima relata, duránte ne’e aktividades importasaun iha Pontu Entrada Salele Munisipiu Covalima lao ho diak, no atendimentu hahu husi Segunda to’o Loron Sábadu.
Jornalísta : Tynho Gusmão
Editór : Tynho Gusmãos
Discussion about this post