Notisia Cova5 news (23/01/2023) Akontesimentu udan Bo’ot iha loron 5 Fulan Janeiru iha Covalima no Raí halai “Sigla Português Deslizamento da Terra” ne’ebé akontese iha suku Fatumea Postu Administrativu Fatumea estrada liga ba Postu Fohorem Munisipiu Covalima hetan at total no hodi difikulta tebes transporte publiku halo movimentu.
Akontesimentu rai halai iha Postu Administrativu Fatumea Suku Fatumea ate agora husi Parte relevant seidauk halo normalizasaun,
Tanba ne’e husi Ekipa Klibur Estudante Juventude Fatumea (KEJUFAT) ho organizaun suku Fatumea ne’ebé ho naran Unidade Estudante no Intelektual Suku Fatumea (UNEISFAT) hodi halo diskusaun kona-ba akontesimentu Raí halai iha Suku Fatumea depois de Ekipa halo diskusaun no disidi hato’o pedidu emergência ba S.E Ministru Obras Públicas (MOP) no Secretariu Estadu Presidente IGE iha Nasional, hafoin supmete pedidu emergência iha loron 10 no hetan despaixu husi Sekretariu Estadu Ministru Obras Públicas MOP Abel Pires da Silva iha loron 12 Fulan Janeiro 2023.
” Espera katak iha tempu badak Ekipa husi IGE sei to’o iha fatin refere, iha pedidu ne’ebé ami hato’o nu’udar pedido emergência ba normalizasaun estrada ne’ebé a’at iha Suku Fatumea aldeia Fatumea Munisipiu Covalima, iha ne’eba mós ami laos foin halo pedidu ba akontesimentu hirak ne’e,husi ami halo fila fila ona hodi husu atu bele halo normalizaun ba estrada iha Postu Fatumea no ami halo ida ne’e tamba bazeia mós ba observasaun husi ami rasik katak durante Timor ukun a’an ona estrada hirak ne’e tinan ba tinan nafatin ámen komunidade susar tebes atu halo movimento ho di’ak, portantu pedidu hirak ne’ebe ami halo iha fulan hirak liu ba Ekipa husi IGE konsege to’o duni fatin tuir pedidu ne’ebé husi estudantes akademikus no juventude Posto Fatumea nian, maibé komu menus kontrolu entaun normalizaun seidauk hotu makina pezu ne’ebé destaka ba Postu Fatumea la konsege finaliza tuir pedidu ne’ebé iha por causa kombustível situasaun no seluk tan,” Hateten Responsável KEJUFAT Rui de Fátima Amaral Liu Husi Via Telefone Imforma ba Jornalista Cova5 news.segunda Feira ne’e.
Responsavel KEJUFAT hatutan, Husi ami preokupa tebe tebes ho situasaun hirak ne’e maka ami hakarak fanun Na’i ulun sira, atu labele husik Povu balun moris iha terus no susar nia laran, tamba dala barak Na’i ulun barak tun ba baze ko’alia ba Povu dehan Rai ida ita sosa ho ruin ho ran akreditu maibé kuitadu Povu barak moris iha situasaun ne’ebé la merese, entermos de retórika no Na’i ulun sira sente seguru hela de’it lolos moe waihira ba ko’alia fila fila maibé asaun laiha buat ne’ebé ha’u temi retórika laos ba de’it Na’i ulun ida enjeral Na’i ulun hotu halo ida ne’e, ba vizita povu halo fiskalizasaun iha Posto Fatumea dala ruma Na’i ulun sira la’o mai husi Tilomar to’o Postu Fatumea sente Di’ak hela tamba ho karreta luxu ho vidru metan no oklu metan mós taka metin Na’i ulun sira la sente dehan estrada Fatumea ne’e aat, ikus mai Povu sira simu sira no fó basa liman tara tais.
Iha ami nia Postu ne’e ha’u hakarak dehan Na’i ulun barak visita ona maibé kala fila fali ba toba dukur tiha haluha tiha promesa hirak ne’ebe ko’alia ho oin hamnasa ba Povu iha Postu ida ne’e. Tamba ami hakarak ko’alia kona-ba pedido hirak ne’ebe husi autoridades lokal mós hato’o husi ami mós hato’o maibé sorin seluk mós halo ami ladun satisfas tamba despaixu sai ona iha loron 12 Fulan Janeiro liu ba maibé to’o agora Ekipa husi IGE seidauk to’o fatin akontesimentu, sera ke preokupasaun hirak ne’e la nesesariu atu tulun? Dala ida tan husu favor no tulun tomak tau netik konsiderasaun ba preokupasaun hirak ho seriedade.
Ikus liu husu Nafatin ba S.E Primeiro Ministro, S.E Ministro Obras Públicas, S.E Presidente IGE atu bele tau konsiderasaun ba preokupasaun povu nian ne’ebé husi Ekipa KEJUFAT hato’o ba S.E sira iha Fatin,”Hakotu Responsável KEJUFAT liu husi Via telefone.
Entertantu Notisia ne’e Publika, Jornalista Cova5 News seidauk halo komfirmasaun ho Obras Publika Munisipiu Covalima tanba loron feriadu.
Editor : [email protected]
Discussion about this post