Cova5 News(25/04/2023 ) Tersa feira Horiseik Sarani Bonuc Halibur malu ho Inisiativa Rasik Kontribui osan Hari’i kapela, iha Aldeia Bonuc, Suku Labarai, Postu Administrativu Suai, Munisípio Covalima.
Tuir Katakista Aldeia Bonuc Norbertu Amaral hateten, objetivu hari’i kapela tanba hanesan uma mahon ba sarani sira hodi hametin sira nia fiar ba maromak, nu’udar Relijiaun katólika, nune’e komunidade iha Bonuk kada uma kain Kontribui dolar sanulu (10) Amerikanu hodi hari’i kapela.
“Tempu uluk Kedas foin atu hari’i kapela ne’e, ho ida komunidade sira iha inisiativa hodi hari’i kapela, ita moris iha bairo ka aldeia ida ne’e moris ho relijiaun katólika tenkeser hari’i duni kapela refere, tanba ho domin bo’ot, momentu iha tinan 2001 ate 2019, plano atu halo maibé la konsege,maibé dadaun ne’e sarani Bonuc realiza duni kapela refere. Hateten Norberto Amaral iha tersa feira horiseik.
Iha sorin seluk representante Sarani Aldeia Bonuc Gustavo Afonso sente kontente tanba komunidade fiar malu hodi halibur kontribui osan hari’i kapela,nune’e hametin sira nia fiar iha Maromak.
“Ami nu’udar sarani katóliku ami kontente tebes, buat ne’ebé halo kontribuisaun ami prontu hala’o hodi hari’i kapela ida ne’e, ami babain hala’o misa hanesan domingu ka natal paskah, ami nu’udar sarani katólika ami nia hanoin ho fiar hakarak tebes nu’udar sarani hala’o misa, “Hateten Gustavo Afonso, Explika iha tersa feira horiseik.
Enkuntu hari’i kapela ne’e ho medida 8×12 no orsamentu atus hitu Dolar Americanu ($.700) hodi sosa material Konstrusaun ba kapela refere mak hanesan, rai henek ret hat, fatuk ret ha’at, sementi saku 25, no besi oitu mili 28, ho 6 mili 6.
No uma kain iha Aldeia refere 67, no hamutuk populasaun 267 iha Aldeia Bonuk Suku Labarai.
Jornalísta : Marco Cortereal
Editór : Januario Barros Amaral
Discussion about this post