Cova5 News (15-08-2022) Xefe Suku Belulik leten Quintino Jose Amaral ba Jornalísta Cova5 News iha Sesta-Feira semana kotuk ne’e hateten, kondisaun Estrada husi Postu Tilomar ba Postu Administrativu Fatumea Gráve, difikulta Komunidade sira atu lori sira nia produtu Lokál ba fa’an iha Merkadu Munisipal.
Xefe Suku ne’e husu ba Governu atu tau matan ba kondisaun Estrada refere, atu nune’e labele difikulta Komunidade sira iha Postu Administrativu Fatumea.
” Kondisaun Estrada husi Postu Tilomar mai to’o Postu Fatumea ne’e, kondisaun Estrada ida ne’ebe maka a’at los, ami nia komunidade sira lori produtu Lokál ba iha Merkadu Munisipiu mos la diak, tanba dalan aat los, Membru Governu barak Vijita ami nia Postu ida ne’e, tuir lolos sira hatene ami nia kondisaun Estrada ne’e halonusa, sira husi Tilomar mai ne’e kijomba to’o tama Fatumea” Xefe Suku Belulik leten dehan.
Komunidade Aldeia Belulik Kraik Postu Fatumea Agustina Maria Viscente sente triste, tanba maske sira iha produtu Lokál barak, maibe sira labele fa’an iha Merkadu Munisipal tanba kondisaun Estrada att.
” Estrada ne’e ami nian ne’e maka a’at liu, ami produtu Lokál iha, maibe ami lori ba suai halo nusa, dalan att los, entaun dalaruma ami nia sasan hirak ne’e sai att hotu deit, hanesan povu triste tanba tinan ba tinan Governu la iha hanoin atu hadia ami nia estrada ne’e” Agustina dehan iha nia residensia Aldeia Belulik Kraik Postu Fatumea.
Entretantu Populsaun iha Postu Administrativu Fatumea hamutuk 4357.
Jornalísta : Tynho Gusmão & Narsizio dos Reis
Editór : Tynho Gusmão
Discussion about this post