Covalima News (07/07/2022) – Kinta-Feira ohin kordenador Be’e Timor-Leste, Empreza Pùblika iha Munisipiu Covalima Castro Dodi Ramos iha nia servisu fatin informa, Mákina ne’ebe atu distribui be’e mos ba komunidade sira, avaria ona iha fulan kotuk, tanba ne’e BTL,EP Covalima seidauk bele distribui be’e mos ba komunidade sira.
Kordenador ne’e konsidera makina ne’ebe avaria bele fo impaktu ba komunidade sira atu asessu ba be’e mos.
“Hosi agora dadaun ne’e sei labele distribui be ba komunidade tamba hau sem presaun bot ba sukabi laran iha neba ami identifika bomba avaria ne’ebe ami labele halo buat, ida ne’e ami hatene katak fo impaktu duni ba komunidade sira difisil atu asessu ba Be’e mos” Kordenador BTL.EP Munisipiu Covalima Castro Dodi Ramos.
Kordenador BTL,EP Munisipiu Covalima ne’e deklara, BTL,EP Munisipiu konfirma ona ho BTL,EP husi Nasional, tanba ne’e tempu besik Ekipa Nasional sei tun direta hodi halo manutensaun ba Makina ne’e.
“Maibe hanesan manutensaun hanesan ne’e katak ami halo pedidu karta formatu ba nasional ohin nee sira hosi nasional aranka kedas aban ne’e sira to’o kedas iha ne’e para sira bele normaliza fali bomba ne’e atu komunidade sira asesu Be’e ho normal fali” Kordenador BTL,EP Ne’e informa.
Entretantu makina ne’ebe avaria ne’e lokaliza iha Aldeia Sukabi Laran, Suku Suai-Loro Postu Administrativu Suai Munisipiu Covalima.
Jornalista : Paulo Cardoso & Fitry de Jesus
Editór : Tynho Gusmão
Discussion about this post