Cova5 News (16-11-2022) Ministeriu Defeza (MD) servisu hamutuk ho Sekretariadu Estadu Juventude no Desportu (SEJD) Kuarta-Feira ne’e halo sensiabilizasaun ba Juventude sira iha Salaun Sentru Juventude Covalima konaba Partisipasaun Feto iha Vida Militar .
Ba Jornalista sira Diretor Nasional de Politika da Defeza Juvenio Guerra esplika, objetivu husi Sosializasaun ne’e atu enkoraja Juventude Feto sira oinsa bele inklina’an iha Vida Militar, tanba dadaun ne’e Partisipasaun Feto iha Forsa Armada F-FDTL foin atinji 12%.
“Objektivu husi socializasaun ba juventude foin sae Sira tanto feto no mane atu enkoraja sira tamba iha vida militar tamba Ita hare percentagem involvimentu vida militar feto ne minimu los nia percentagem hahu husi inisiu halo rekrutametu ne menus los Mai to,o ohin loron percentagem ne menus los iha nivel forca armadas nian 12% iha nivel Forsa Armadas”Juvenio Guerre esplikaManajer Program CJC Barnabe Ferreira husu Juventude Feto Covalima, atu prepara an didiak hodi bele involve iha Vida Militar, tanba Feto iha Covalima partisipa iha Forsa FDTL minimu liu.
“Mensajem va feto maluk Sira lalika tauk atu partisipasaun iha Vida militar tamba militar sai hanesan seguransa ba ita nia nasaun,entaun husi parte Covalima nia percija tebes feto nia partisipasaun tamba feto Covalima sei menus iha Vida militar”Barnabe Ferreira Imforma.
Partisipante Juventude Ricardina Amaral sente kontente ho sensiabilizasaun ne’e, tanba motiva ona sira atu bele inklina’an iha vida militar iha futuru oin mai.
“Hau nuudar juventude Ida bainhira hetan formasaun Ida hau sente orgullu tebes tamba hau iha mehi Ida atu sai militar tamba militar nee laos mane deit mak bele ami feto mos bele nafatin foti desizaun mesak iha uma ka iha fatin ne’ebe deit tamba feto nee iha direitu hanesan deit”Juventude Recardina htutan
Entretantu Iha sensiabilizasaun ne’e orador nain tolu maka aprezenta materia ba Juventude sira, kompostu husi orador primeiru Xefe Departamentu Planeamentu iha Ministeriu Defeza Arsenia Luiza da Costa Pinto de Araujo ne’ebe lori materia Konaba Papel Feto iha Ministeriu da Defeza, orador Segundu Komandante Generu iha Instituisaun F-FDTL Tenente Marquita Cunha lori materia konaba Partisipasaun Feto ba Vida Militar, Orador terseiru Major Rui Soares lori materia konaba prosessu rekrutamentu Forsa Armada F-FDTL.
Jornalista : Tynho Gusmao
Editor : Tynho Gusmao
Discussion about this post