Cova5 News (15/07/2022) Sexta-Feira ohin Ministru da Justisa Tiago Amaral Sarmento ho nia ekipa bainhira vijita Estabelesimentu Prijional Suai, Governante ne’e identifika preokupasaun barak iha estabelesimentu Prijional Suai, tanba ne’e Governante ne’e deklara Ministériu Justisa sei toma atensaun ba preokupasaun hirak ne’e hodi fo solusaun iha tempu badak.
Governante ne’e mensiona, Preokupasaun iha Estabelesimentu Prijional Suai maka hanesan, La iha transporte ba guarda prijaun sira atu halao atividade diaria, la iha rezidénsia ba guarda prijaun sira nsst.
“Vijita ne’e mai hare problema ne’e estabelesimentu Prijional Suai hasoru, iha problema lubuk ida maka tenke toma atensaun husi Ministériu da Justisa hodi fo solusaun iha tempu badak, kareta Seluler ne’ebe aat hotu ona, la iha transporte ba sira atu halo aktividades diária, depois la um aba guarda sira atu hela, ida agora dadaun ne’e sira maka halo lori sira nia osan rasik, ne’ebe situasaun kondisaun guarda sira nian ne’e to’o agora seidauk atende ho diak, tanba ihane’e problema barak los ne’ebe hau ho director jeral ami sei halo diskusaun hodi fo solusaun iha tempu badak ba situasaun iha prijaun Suai” Governante ne’e dehan
Entretantu Guarda sira iha Prijaun Suai 37 no Prijioneirus hamutuk 118.
Jornalista : Tynho Gusmão & Marko Kortereal
Editór : Tynho Gusmão
Discussion about this post