Cova5 News (11/07/2022) – Relasiona ho karta notifikasaun husi Ministru Ensinu Superior Siénsia no Kultura (MESSK) atu hapara atividades iha Universidade Ramu Unpaz Covalima, maka Segunda-Feira ohin (11/07), reprezentante Povu Covalima, Sekretáriu Munisipiu Covalima Francisco Alves sente triste ho karta notifikasaun ne’e, tanba ne’e nia husu ba Ministru Ensinu Superior Siénsia no Kultura (MESSK) atu labele taka atividades iha Unpaz Ramu Covalima, maibe tenke buka solusaun hodi kontinua loke ba Povu Covalima.
“Hanesan Autoridade Munisipiu reprezenta Povu Covalima orgullu tebes bainhira Unpaz loke liras iha Covalima tanba bele akumula ona ita nia Estudante sira ne’ebe maka mai husi Inan Aman Kbi’it Laek, maibe liga ho karta notifikasaun husi Ministru Ensinu Superior atu taka Unpaz Covalima hau reprezenta Povu Covalima triste tebes, tanba lolos ne’e ita labele hanoin atu taka, karik prosessu administrasaun ruma maka seidauk prense kriteira, ita tenke presiza mellora liu tan deit dokumentus sira ne’ebe maka presiza atu kompleta atu nune’e kontinua loke nafatin Ramu Unpaz Covalima ne’e ba Povu Covalima” Francsico Alves dehan iha nia kna’ar fatin.
Iha fatin ne’e, Eix Administrador Munisipiu Covalima actual Diretór Planu Dezenvolvimentu Munisipiu Covalima Afonsu Nugoera Nahac husu ba entidades hotu iha Covalima atu apoiu malu hodi buka meius, atu nune’e bele prense rekezitus husi Ministériu Ensinu Superior Siénsia no Kultura, tanba hari Ramu Unpaz Covalima ho objetivu atu hakma’an Inan Aman sira ne’ebe la iha kbi’it atu haruka oan sira ba Eskola iha Kapital Dili.
“Notifikasaun ida atu taka Unpaz Ramu Covalima hau hanoin labele taka, maibe hau husu ba entidades hotu iha Covalima atu apoiu malu hodi buka to’ok oinsa bele prense rekezitus ne’ebe Ministériu Ensinu Superior fo mai, depois loke Universidade Ramu Unpaz Covalima ne’e ho rajaun katak Jovem barak maka la eskola iha Kapital Dili tanba tanba sira nia ekonómia mos fraku, inan aman mos susar tebes entaun sira labele ba to’o Dili ne’eba” Afonsu Nugoera Nahac dehan iha nia kna’ar Fatin.
Entretantu tuir karta notifikasaun husi Ministru Ensinu Superior Siénsia no Kultura, atu hapara aktividades Unpaz ramu Covalima, iha Munisipiu Vikeke, inklui Oekusse, tanba tuir padraun Ensinu Superior tamba seidauk iha lisensia operasional.
Jornalista : Tynho Gusmão
Editór : Tynho Gusmão
Discussion about this post