Cova5.News (08/02/2023) kuarta-feira ohin Organização Não Governtais (ONG) Asistensia Legal Ba Feto No Labarik (ALFELA) fo formasaun ba membru Polisia nain tolu nulu iha Munisipiu Covalima,Tanba ONG Alfela fo formasaun kona ba lei Trafiku Humanu na Pólisia PNTL, Tamba Pólisia mak besik liu komunidade, no bele identifika Problema.
Imformasaun ne’e hato’o husi Kordenador Prevensaun Advokasia ALFELA Antoninho Marques iha Eskuadra PNTL Covalima.Kuarta (08/02).
“Formasaun ida ne’e ho objetivu atu hasa’e konesentu membru PNTL hotu-hotu ligadu ho Lei Trafiku Humanu ne’e rasik, no mos atu hasa’e sira nia Konesimentu hodi bele hatene atu identifika problema Trafiku Humanu ne’ebe akontese iha komunidade nia laran no mos meus ne’ebe mak sira uja tuir lei tafiku Humanu atu bele fo atendimentu ba vitima Lei Trafiku Humanu ne’e rasik, Tamba Lei ida ne’e foun Ita Persija atu halo sosialijasaun Lei ne’e ba Membru PNTL, Tamba Ita hotu hatene katak Membru PNTL mak servisu besik liu ho komunidade, liu-liu hanesan OPS Sira nia k’nar sira nia servisu besik Liu komunidade, entaun presija hatene atu identifika problema ne’ebe mak sira hasoru nudar ou problema ne’ebe mak akontese iha komunidade liu-liu Lei Trafiku Humanu,”Hateten Kordenador Prevensaun Advokasia ALFELA Antoninho Marques.
Alende ne’e Komandante PNTL Munisipiu Covalima Basilio De Jesus informa, kaju Trafiku Humanu iha Covalima numeru a’as, Tamba ne’e husi Organização Naun Governtais ONG fo Formasaun ba Membru PNTL Munisipiu Covalima durante loron ida, hodi kapasita no aumenta kapasidade ba Membru PNTL nain 30.
“Trafiku Humanu Ita bele dehan katak servisu Polisia nian, ida ne’ebe ita atua iha Munisipiu covalima, kaju Ida ne’e a’as tebes,tamba ne’e maka hau dehan ba Ita ninia menbrus sira ne’ebe mak ohin tuir formasaun ida ne’e nain 30, hau dehan ba sira aprende lan portuges dehan hanesan ne’e, entau aprende ne’e ita lahadau ema nia kadeira, aprende aprende enkuantu mais aprende Ita nia servisu nia kualidade diak liu tan, tamba ne’e formasaun Sira hanesan ne’e, sa tan mak formasaun propriu liga ho servisu polisial ke mais importante ba iha Vida munisipiu, ho nune’e Polisia tenki akompana dinamika dezenvolvimentu, dinamika sosial ne’e Polisia nia akompana selae orsida kaju barak akontese polisia rasik ladun apar no ladun responde ba aktus Sira ne’e,”Dehan Komandante PNTL Munisipiu Covalima Basilio De Jesus
Entertantu Formasaun lei trafiku humanu ne’e halao durante loron ida iha Salaun PNTL Munisipiu Covalima no sei halao mos iha Munisipiu sira seluk tuir Planu ONG Alfela nian.
Jornalista : Adriano Gusmão
Editor : Januario Barros
Discussion about this post