Cova5.News (14/07/2022) projétu rua ne’e tama iha Programa Dezenvolvimentu Integradu Munisipal (PDIM) iha tinan 2021, duránte ne’e lao ho di’ak, ho nune’e projetu kontrusaun Rezidénsia Administrador Munisipiu Covalima dadaun ne’e atinji ona pursentu 54%, no konstrusaun Edifísiu Administrasaun Postu Administrativu Maukatar dadaun ne’e atinji ona pursentu 78%.
Imformasaun ne’e hato’o husi Diretór Servisu Munisipal Planeamentu Dezenvolvimentu Integradu Munisipiu Covalima (PDIM) Afonsu Nugueira Nahac hateten, projetu rua ne’e demora uit-oan tanba liga ho surtu Covid 19,no inklui preokupasaun sira seluk, maibe Diretór ne’e garántina projetu rua refere sei remata iha tinan ne’e.
“ Projeitu rua ne’e tama iha PDIM tinan 2021 nian, ne’ebe projetu rua ne’e agora lao hela, maibe ninia mandamentu maka ita bele dehan demora uit oan tanba iha tinan 2021 ne’e mosu Surtu Covid 19, depois atu halo konstrusaun iha Postu Administrativu Maukatar. entaun rai halai, ne’ebe agora dadaun ne’e projetu rua ne’e lao hela no ita fiar katak tinan ne’e sei remata,” Diretor ne’e dehan iha nia kna’ar fatin kinta feira ohin.kinta (14/07/2022).
Entretantu Projétu Konstrusaun Rezidénsia Administrador Munisipiu Covalima konstroi husi Kompaña Verde Kaisahe Unipessoal Lda, ho orsaméntu $ 230,000.00, no Konstrusaun Edifisiu Administrasaun Postu Administrativu Maukatar konstroi husi Kompaña Sabudoi unipessoal Lda ho orsaméntu $154,861.91.
Jornalista : Ansa Nunes & Narsizio dos Reis
Editór : Tynho Gusmão
Discussion about this post