Cova5News (27/04/2023) Organizasaun Rotarak Club Covalima ho Organizasaun Rotary Club Of Dili Lafaek fo Formasaun ba estudante ho komunidade sira iha Aldeia Fatuk Kabuar Leten, Suku Dato tolu, Postu Administrativu Suai, Munisipiu Covalima.
Tesoreira Rotary club Dili Lafaek Treinanador no Embaissador Days for Girls Timor Leste Bete Fatima esplika, Objetivu formasaun konaba Saúde mestruasaun ba feto, no mos oinsa atu hamenus kiak no hamenus diskriminasaun ne’ebé mak feto sira hasoru iha komunidade no mós atu hasa’e liu tan kapasitasaun ba moris di’ak no harmonia iha komunidade nia le’et.
“Ohin loron fahe formasaun konaba saúde mestrual ba feto sira iha eskola no mós ba komunidade sira, iha ne’eba informasaun ne’ebé foka liu saida mak mestruasaun feto sira hasoru depois siklu mestruasaun konaba oinsa atu moris iha hijiéne ka mós no mós oinsa atu kuidadu pensus pakote ne’ebé mak ami iha apresia ba komunidade sira, (Days for Girls) nian mak oinsa atu hamenus ki’ak, no diskriminasaun ne’ebé mak feto sira hasoru iha komunidade no hasa’e liu tan kapasitasaun ba moris di’ak iha komunidade sira moris ho hakmatek no moris iha harmonia nia laran,”hateten Tesoreira Rotary club Dili Lafaek, Treinanador no Embaissador Days for Girls Timor Leste Bete Fatima
Iha fatin hánesan representante Komunidade Dalia perreira Sente orgullu tanba iha area remotas ne’e foin hetan informasaun hosi Organizasaun Rotarak Club of Covalima ho Organizasaun Rotary Club Of Dili Lafaek, konaba formasaun Saúde Mestruasaun ho mudansa ba feto ho mane,
“Ba ami hotu lubun bo’ot ne’ebé mak ohin tuir trainamentu/ formasaun ne’e Ami sente kontente no orgullu tanba ami iha area remotas ne’e Foin mak rona informasaun konaba mestruasaun ho nia tempu no mudansa ba mane ho feto,” Katak Dalia perreira.
Entretatntu formasaun ne’e total estudante hamutuk 31, ho komunidade hamutuk 31 no Total hamutuk 62.
Jornalísta: Marco Cortereal
Editór : Januario Barros
Discussion about this post