Cova5 News (06-09-2022) Sekretáriu Estadu Asuntus Kombatentes Libertasaun Nasionál Júlio da Conçeicão “Loro Mesak” Tersa-Feira ne’e partisipa iha serimónia selebrasaun Masakre Setembru Negro 1999 iha Igreja Ave Maria Suai iha Munisipiu Covalima.
Governante ne’e dehan dadaun ne’e nia parte sei konfuzaun hela ho dadus Mártires atus-ida-tolu-nulu-resin-ha’at (134) hamutuk ho Amu nain tolu (3) ne’ebe mate iha Igreja Ave Maria Suai iha tinan 1999, tanba balun dehan ema 170 resin, no balun dehan 134.
Tanba ne’e Sekretáriu Estadu Asuntus Kombatentes Libertasaun Nasional Júlio da Conceição “Loro Mesak” husu Presidente Konsellu Veteranus Munisipiu Covalima atu buka tuir didiak hodi hatene lolos ema nain hira maka mate hamutuk ho Amo nain tolu iha Igreja Ave Maria Suai.
“Masakre 6 de Setembru Negro 1999, ita nia Amo nain tolu ho ita nia Veterana atus ida resin maka mate, hau rekomenda hela ba Presidente Konsellu ho komisaun sira tenke buka hatene didiak bainhira ita sasin sira sei moris hotu, ita sei moris labele sik deit, tanba balun dehan atus-ida-tolu-nulu-resin no balun dehan atus-ida-hitu-nulu-resin ne’e ida ne’ebe maka los, sei ita nain sei moris mos koalia arbiru ona satan ita mate, favor bo’ot ida Konsellu Veteranu ho komisaun sira tenke buka tuir, tempu besik hau sei husu tuir” Loro Mesak dehan iha Monumentu Setembru Negro Suai (06/09).
Sekretariu Estadu kombatentes Libertasaun Nasional ne’e husu Povu Covalima atu hakerek istória konaba Mártires sira ne’ebe mate iha Masakre Setembru Negro Suai hodi tau iha Muzeum, alende ne’e nia husu mos atu tau iha Ministeriu Assuntus Kombatentes Libertasaun Nasional hodi nune’e Governu bele apoiu bainhira iha futuru implementa programa ruma.
“Covalima riku ho naran Setembru Negro, favor hakerek istória sira ne’e ba, hakerek halo didiak, depois lori mai tau iha museum maibe tau mos iha Ministériu atu nune’e programa ruma iha ita bele fo apoiu ba sira mos, bainhira husu apoiu proposta tenke ba antes, Hau “Loro Mesak” maka sekretáriu estadu se imi ba ma hau la fo ne’e, Bahasa karik “Terlalu”. Loro Mesak informa.
Entretantu iha Selebrasaun Masakre Setembru Negro Suai 1999 ne’e, ho aktividades halo proseisaun ba illas nain feton, no sunu lilin hodi fo omenagem ba Mártires sira iha Masakre 6 de Setembru Negro iha tinan 1999 iha Igreja Ave Maria Suai.
Jornalísta : Tynho Gusmão
Editór : Tynho Gusmão
Discussion about this post