Cova5 News (19/07/2022) Segunda feira horiseik mais ou menus tuku 2 lokraik Unidade Polisia Fronteira ne’ebe destaka iha Fronteira Mota-Masin Salele, prende sasan hanesan Fardamentu organizasaun Arte Marisiais PSHT, no Tabako Sek Metan Karton rua resin inklui sasan seluk tan.
Xefe Investiagasaun Kriminal Munisipiu Covalima Lorenço do Carmo Gusmão hateten, Unidade Polisia Fronteira la konsege kaptura ema ne’ebe hatama sasan illegal, tanba sira halai lakon hafoin hetan polisia, tanba ne’e sira prende deit maka sasan ne’ebe sira lori tama mai.
“ Ohin ami simu fardamentu PSHT ninian fardamentu ne’e rasik iha pasan sanulu resin sia (19) kopu ne’e atus tolu nen nulu(360) iha mos pasta ki’ik oan iha atus ida (100) sasan hirak ne’e polisia UPF ne’ebe destaka iha Fronteira sira halo patrollamentu Liña Fronteira Mota-Masin, sira konsege hetan komunidade sira hatama sasan iha ne’eba, maibe sira ne’ebe lori sasa ne’e halai lakon hotu, sira husik hela fardamentu ho sasan hirak ne’e, entaun sasan ne’e maka UPF sira foti no ema halai ne’ebe kategora deskoñesidu” Lorenço dehan iha Komandu PNTL Covalima.
husik iha ne’eba ne’ebe fardamentu ne’e mak sira foti I ema ne’e se kategoria ema ne’e deskoinesidu
Entretantu Xefe Investigasaun Kriminal ne’e informa, konaba sasan ne’ebe prende, nia prosessu sei to’o iha Ministeriu publiku no Tribunal.
“Ita koalia konaba prosesu ba fardamentu ou kualker saida deit ne’ebe mak ita identifika, ita rekolla nia prosesu to’o iha Ministériu Públiku, ne’ebe Tribunal ho Ministériu Públiku maka iha kompeténsia atu destroi ka oinsa” Lorenço do Carmo Gusmão hakotu.
Jornalista : Tomas Carvalho & Naterscia Amaral
Editór : Tynho Gusmão
Discussion about this post