Cova5 News (28-09-2022) Comisaun Nasional Eleisaun iha Munisipiu Covalima Kuarta-Feira horiseik realiza Formasaun Edukasaun Sívika ba Estudante Eskola Sekundária Geral Públika Suai ho tópiku Promóve Esklaresimentu konaba Aktu Eleitorál no Rezilénsia Covid-19 ba Eleitores sira.
Diretór Nasionál Edukasaun Sívika Partidu Politica Mídia Dokumentasaun no IT José Soares Fonseca hateten, Objetivu husi Edukasaun Sivika ne’e atu esklarese ba Eleitores sira liliu iha ambitu albu principal CNE nian ba estudante sira ne’ebe foin hetan kartaun Eleitorál.
“Atividades rutina ne’ebe maka CNE halo tanba bazei ba politiza ne’ebe maka fo husi lei organizasaun Eleitorál ne’ebe atividades Edukasaun Sívika ne’e realiza ho objetivu atu mai esklarese ba iha Eleitores sira liu-liu ba iha ambitu ida ne’e alvu Munisipal ba iha Estudante sira ne’e hanesan Eleitores foun hodi prepara sira nia an ba iha Eleisaun Parlamentar tuir mai hodi halo sosializasaun konaba oinsa bele hetan kartaun Eleitoral, dokumentus saida deit maka presia, nomos ita fo sai rejultadu husi Eleisaun Presidensial ne’ebe foin dadauk liu tiha ona” José Soares Fonseca dehan iha Salaun ESGP Suai.
Enkuantu Representante Estudante ESGP Suai, Lucas Gusmão do Nascimento Senti kontenti no agradese ba CNE tanba liu husi Edukasaun Sívika ne’e bele hetan informasaun no oinsa Estudante sira bele sai Eskitivu liu tan hodi partisipa iha Festa Demokrásia.
“ Nu’udar Estudante sente kontente tebes liga ho informasaun ne’ebe husi CNE , tanba motiva tebes ami oinsa maka ami estudante sira bele sai síviku liu tan ka ativismu liu tan hodi partisipa iha festa demokrásia” Lucas Gusmão do Nascimento dehan.
Formasaun Edukasaun Sívika ne’e realiza iha Salaun ESGP Suai ne’ebe partisipa husi Estudante hamutuk 200.
Jornalísta : Ajho Noronha
Editór :Tynho Gusmão
Discussion about this post