Estrada A’at, Komunidade Aldeia 4 Iha Suku Beco Lori Produtu Lokal Labele Asesu Merkadu

Cova5 News(18/04/2023) Komunidade Aldeia Ha’at Tobur Teda Lewalu Gala Dutulpo Suku Beco Postu Administrativu Suai Munisipiu Covalima tinan barak ona halerik ba estrada, no tempu udan loro produtu lokal labele fa’an iha merkadu, tanba kondisaun estrada at,ho ida ne’e komunidade husu ba Ministeriu Obras Publiku (MOP) atu hadia estrada hahu husi dalan
Nasional liga ba Tobur.

Reprezentante komunidade Aldeia Tobur Carmelita Cardoso husu ba parte relevante atu hadia estrada liga husi Suai ba Tobu, tanba durante ne’e komunidade Aldeia Tobur iha tempu udan labele merkadu.

“Ami senti triste,tamba iha tempu udan halo viagen ba Suai, no mos lori aihan lokal sira atu ba faan ladiak tamba kondisaun estrada la diak ho ida ne’e husu ba nai ulun sira bele tau matan netik mai ami iha area rurais sira ne’e, ” Carmelita Cardoso Dehan.

Alende ne’e mos Xefe Aldeia Tobur Fransisco Maknho Imforma, Aldeia Tobur Iha Difikuldade bo’ot mak hanesan estrada ne’ebe mak A’at komesa husi suku to’o iha area refere kuaje kilometru 17 ate agora sei dauk hadia, No Iha Tempu udan difikulta Komunidade sira lori Produtu lokal ba faan iha merdkadu.

“Nudar Xefe Aldeia Tobur iha ne’e, hau lori populasaun hamutuk 67 Xefe familia, no mos iha ne’e ami iha difikuldade mak hanesan auto estrada ne’ebe mak komesa iha ami nia suku mai to’o iha ne’e kuaje 17 kilometru, ate agora sei dauk diak no tempu udan komunidade sira iha aldeia ha’at mak hanesan Tobur Teda Lewalu Gala Tudulpo, komunidade sira ne’e atu lori sira nia aihan lokal ba merkadu mos ladiak tamba ho kondisaun estrada ne’ebe a’at, ho ida ne’e husu ba governu liu-liu ba Ministeriu Obras Publiku atu bele rejolve komunidade sira nia prekupasaun hirak ne’e, ” Dehan Xefe Aldeia Tobur Fransisco Maknho.

Entretantu Komunidade Aldeia Tobur hamutuk Xefe Familia 67 husu ba governu Ministeriu Obras Publiku atu hadia.
Notisia né’e publika Jornalista Cova5 news Seidauk halo komfirmasaun ho servisu obras publiku Munisipiu Covalima.no sei komfirma fila fali loron tuir mai

Jornalista : Adriano Gusmão

Editor : Januario Barros