Covalima News (07/06/2022) – Relasiona ho Karta Notifikasaun ne’ebe hasai husi Ministru Ensinu Superior Siénsia no Kultura atu hapara aktividades prosessu ensinu aprendisazem iha Universidade Ramu Unpaz Covalima, maka Estudante sira sente triste tebes ho karta notifikasaun ne’e, tanba ezisténsia UNPAZ RAMU Covalima, bele hakma’an ona inan aman sira nia ekonómia kompara ho universidade sira iha Kapital Dili.
Estudante sira iha Ramu UNPAZ Covalima Rozita Soares Pinto sente triste no lamenta tebes ho desijaun Ministru Ensinu Superior Siénsias No Kultura, ne’ebe fo sai karta notifikasaun iha loron 01 fulan Jullu 2022 iha Salaun Delta Nova konaba atu hapara aktividades Universidade UNPAZ RAMU Covalima, tanba ne’e Estudante sira husu MESSK atu nafatin loke aktividades ne’e, tanba sira la iha kbi’it atu kontinua sira nia estudu iha Kapital Dili.
“Sente triste no lamenta tebes ba desizaun husi ministerio ensino superior fo sai iha dia 01/julio/2022, iha salaun delta nova konaba atu hapara universidade sanak covalima UNPAZ, sente triste tamba ami neebe Inan Aman laiha kbiit atu kontinua ami nia estudu iha dili, ami sente la satisfas tamba,ami sente kontente tamba existe iha covalima tamba bele hakman ami nia Inan Aman sira neebe laiha kbiit sustenta ami iha Ensino superior; Nudar estudante Ramu Unpaz Atu nafatin loke universidade nee covalima tamba Timor-Leste persiza ema neebe matenek no kolia kona ba educasaun numeru 1 mai ita timor,” Dehan Rozita Soares Pinto.
Tuir karta notifikasaun husi Minitsru Ensinu Superior Siénsia no Kultura, atu hapara aktividades UNPAZ ramu Covalima, no iha Munisipiu Vikeke, inklui Oekusse, tanba tuir padraun Ensinu Superior tamba sei dauk iha lisensia operasional maibe prosesu tomak iha hela Universidade da paz.
Entretantu Estudante iha UNPAZ Ramu Covalima hamutuk 85 ne’ebe mai husi Fakuldade Direitu, Saúde públiku, Ekonómia inklui engineira.
Jornalista : Tynho Gusmão &Adriano Gusmão
Editór: Tynho Gusmão
Discussion about this post