Cova5 News (10-10-2022) Segunda-Feira ohin ba Cova5 News Presidente Federasaun Voleibol Timor-Leste Inocénçio Araújo da Silva hateten, Federasaun Voleibol Timor-Leste realiza formasaun ba Treinadór no Arbitrazem sira iha Munisipiu Covalima ho objetivu atu hari rekursu deportivu iha baze, no objetivu seluk atu responde polítika VIII Governu nian ne’ebe Desportívu tenke mai husi baze.
“objetivu atu responde politika governu nian ne’ebe desporto tenki mai hosi base entaun ita tenki hari recursu iha base recurs ne’e maka treinadores ne’ebe tenki fo treinamentu ba iha atleta sira e mos arbitragem ne’ebe atu dirizi jogu no tuir regras voleibol ninian ita tenki fo formasaun tanba iha atividades sira jogu komuunitaria governu halao ona administrador munisipiu sira regras barak maka disputa iha ne’eba”Hateten prezidenti FVTL Inocénçio Araújo da Silva iha salaun ESGP.
Enkuantu partisipantes Bakhita Amaral agradese ba ekípa Federasaun Voleibol Timor-Leste, tanba fahe ona informasaun hodi aumenta sira nia kapasidade, nia promesa sei habelar informasaun ne’e ba Jogadór sira iha Covalima.
“Hau sente kontenti tebes nu’udar treinador folibool ninian tanba bele aumenta ona hau nia kapasidade konaba foliboll ninian I no mos nu’udar treinador materia ne’ebe ami simu sei implementa fali ba joga dor sira”Hateten partisipantes Bakhita Amaral.
Entretantu Formasaun ne’e realiza iha Salaun ESGP Suai ne’ebe partisipa husi Treinadór nain 20 no Arbitrazem hamutuk 10.
Jornalísta : Ajho Noronha
Editór : Tynho Gusmão
Discussion about this post