Inundasaun iha Suai: KJRDM Covalima Evakua ona Komunidade Suai-Loro

https://www.youtube.com/watch?v=RPkpdjpRzbQ

Cova5News (02/07/2022) – Relasiona ho udan boot Durante loron tolu Ekipa Komisaun Jestaun Risku Dezastre Munisipal (KJRDM) Covalima hamutuk ho Administrador Munisipiu Covalima kontinua lalin komunidade Komunidade suku SuaiLoro uma kain 35 husi Aldeia rua mak hanesan Aldeia Akarlaran no Aldeia Lo’o muda ba Salaun ESGP.

Ba Jornalista Covalima News Administrador Munisipiu Covalima Francisco de Andrade Hateten akontese inundasaun ne’e hanesan Dezastre Ida Maibe nudar Autoridade Munisipiu nafatin Salva Nia Povu atu nune hadook an husi Dezastre ne’ebe Espera Akontese.

“Inundasaun ne’e hanesan natureza ne’ebe ita labele halo buat ruma maibe ita hanesan Autoridade atu salva ita nia ema ne’e tanba ne’e mak ita halo evakuasaun ne’e mai.buat Ida natureza udan ne’e la’os iha Suai deit maibe udan ne’e pertense husi rejiaun Sul ne’e hotu kedas Lospalos Viqueque Same mai to’o Covalima, Ne’ebe ohin kedas ha’u fo mensajen ba sira katak matan moris ne’on na’in tenke hare’e situasaun agora rai sei nakukun nafatin signifika katak oras ida sei udan nafatin ne’ebe toba karik labele toba liu, pelumenus akontese buat ruma kontaktu ha’u no kontaktu autoridade lokál no Polisia munisípiu Covalima atu nune’e ami bele to’o lalais imi nia fatin hodi evakua atu salva imi nia vida,” hateten Administrador Munisípiu Francisco de Andrade iha ESGP Sabadu ( 02/07)

Enkuantu Representante Estudante Eskola Sekundaria Avé Maria Suai husi Suai-loro Maria Dos Reis Senti Tristi Tamba Relasiona ho udan boot ne’e Fo inpaktu tebes ba Sira Nia aprendizagem.

“Ha’u sente triste tanba udan be sa’e dezastre ida ne’e ami bele so’e ami nia eskola husik hela ami nia fatin mai toba iha ne’e.Ne’ebe sente triste maibe hanesan dezastre ida dezastre naturais ita labele dehan lalika mai mos ladiak tamba ne’e dezastre ida ita nain mos la hatene ida entaun sente triste mos tenke halo tuir husik hela eskola mos diak hela tanba ne’e dezastre Ida,” Katak Representante Estudante Eskola Sekundaria Avé Maria Suai Maria dos Reis.

Enkuantu Familia Vitima no ema ho defisiente ne’ebe evakua mai Salaun ESGp ne’e, husi parte relevantes sira hanesan Administrasaun Munisipiu Covalima,no Protesaun Sivil, Bombeiros, Edukasaun, CVTL, Servisu Saude Munisipiu hodi apoiu kedas aihan no toba fatin ba familia vitima ne’ebe mak evakua ba fatin refere.

Entertantu oras ne’e dadaun lista provisóriu ne’ebe mak jornalista Cova5News hetan sefe de Família hamutuk 35 no total Populasaun 109 vitima husi inundasaun mai iha Sentru evakuasaun ESGP SUAI hamutuk mak hanesan:
1. Ema bot feto : 53
2. Ema bot mane: 23.
Labarik Ki’ik idade tinan lima mai kraik
1. Feto : 18
2. Mane : 12
Ema ho Difisiente :
1. Mane : 2
2. Feto : 1

Jornalista: Ansa Nunes & Jordão Noronha
Editor: Janu Barros