Cova5 News (07/08/2022) Luis Gusmão husi Aldeia Bere-Gel Suku Belekasak Postu Administrativu Maukatar Munisipiu Covalima, tara’an uja ai fau kulit hodi hakotu nia vida.
Tuir informasaun husi Familia Matebian katak, Matebian Luis Gusmão la sofre husi moras ruma, tanba iha loron Kinta-Feira liu ba ne’e, Matebian sei partisipa iha serimónia kazaméntu ida iha Aldeia refere, maibe iha Loron ne’e kedas, Matebian sente ulun moras ho nune’e Matebian fila ba deskansa iha uma, maibe iha iha lokraik ne’e kedas Familia sira la hetan ona matebian iha uma, maibe familia sira sente hanesan babain tanba sira hanoin Matebian Fila fali ba iha serimónia kazamentu ne’e.
Iha Loron Sesta tuir fali, Matebian la Tama Uma, maibe familia Sira nafatin sente hanesan babain, tanba Sira hanoin Matebian sei iha Fatin serimónia kazamentu refere.
Matebian lakon ona durante oras 24, ho nune’e iha Loron Sábadu horiseik Familia Sira komesa buka ona Matebian, maibe la hetan ho nune’e sira ho laran tauk sira informa ba Polisia Eskuadra Postu Maukatar hodi buka tuir maibe la hetan.
To’o Loron Domingu horiseik, Familia sira kontinua buka tuir Matebian to’o tuku 11 Otl, familia Sira hetan Matebian uja ai fau kulit tara’an hela iha ai fau, iha ailaran ne’ebe dok husi bairo mais ou menus metru 100 resin.
Matebian husik hela fen ho oan nain ida ne’ebe sei Bebe foin fulan tolu (3) resin.
Enkuantu dadaun ne’e Mate isin rai hela iha mortuáriu Ospital Referal Suai hodi hein prosessu tuir mai.
Entretantu Jornalísta Cova5 News seidauk hetan informasaun klaru husi Polisia Servisu Investigasaun Kriminal Munisipiu Covalima tanba okupadu hela servisu seluk.
Jornalísta : Tynho Gusmão
Editór : Tynho Gusmão
Discussion about this post