Cova5 News(05/02/2024)ONG Organização Não Governamentais (ONG) Rede Covalima (ARC) Serbisu hamutuk ho Ministériu saúde (MS) no hetan apoiu husi Sascas, organiza hodi fo treinamentu ba komunidade iha Suku Ogues kona ba mal nutrisaun no seguransa alimentar ba komuniade iha fatin refere.
Iha Treinamentu ne’e Diretur Asosiasaun Rede Covalima Pedro Amaral informa, iha treinamentu ne’e ho objetivu oinsa atu evita no kapasita komunidade sira no mos atu hamenus malnutrisaun ne’ebe a’as iha Postu Administrativu Maukatar
“Treinamentu ida ohin ne’e ho nia objetivu atu evita no kapasita ba komunidade sira no mos koko atu hamenus mal nutrisaun iha postu administrativu maukatar, “Katak Diretur ARC Pedro Amaral
Iha fatin hanesan Xefe Departamentu Programa Servisu Saúde Munisipiu Covalima Agapito De Jesus hateten,treinamentu ne’ebe organiza husi Asosiasaun Rede Covalima atu hodi fahe informasaun ba komunidade sira atu nune’e bele hatutan fali informasaun ne’e ba komunidade sira seluk ne’ebe iha aldeia hodi b asesu ba aihan ne’ebe seguru no nutritivu
“Formasaun ne’ebe organiza husi ARC hodi fahe informasaun ba komunidade sira iha aldeia atu nune’e bele asessu ba aihan seguru no aihan nutritivu sira, tamba ne’e ministeriu saude sei iha mos palnu atu halo kapasitasaun ba komunidade sira ne’ebe iha suku 30 no mos aldeia 148 iha munisipiu covalima, “Dehan Xefe Departamentu Programa Saúde Munisipiu Covalima Agapito de Jesus
Alende ne’e Xefe suku ogues Febriano Pereira apresia ba programa ne’e tamba bele kopera hamutuk ho serbisu Saúde Munisipiu Covalima hodi fo Kapasita komunidade iha suku Ogues atu nune’e bele hasae sira nia konesimentu konaba nutrisaun no mos seguransa alimentar.
“Apresia tebes ba programa ida ohin tamaba asosiasaun Rede Covalima serbisu hamutuk ho Saúde Munisipiu Covalima bele fo ona informasaun ba hau nia komunidade sira iha Suku Ogues atu konsertiza sira nune’e bele hasae sira nia konesimentu liu -liu ba iha nutrisaun no mos seguransa alimentar nian,”Katak Xefe suku Ogues
Entretantu treinamentu ne’e realiza iha sede suku ogues ne’ebe partisipa husi Diretur Asosiasaun Rede Covalima, Xefe Departamentu Programa Serbisu Saude Munisipiu, xefe suku ogues,inklui komunidade sira.
Jornalista :Adriano Gusmão
Editor : Januario Barros
Discussion about this post