Cova5 News (26-09-2022) Ministériu Turismu Komérsiu Indústia (MTKI) liu husi Diresaun Nasionál Apoiu Dezenvolvimentu Micro Pequena e Media Empreza, Segunda-Feira ne’e halo sosializasaun konaba kompetisaun Negósiu Inovativu ba fase datolu ba tinan 2022, ba Juventude no Grúpu sira iha Munisipiu Covalima ho tema Promóve diversifikasaun ekonómia husi baze.
Xefe Departamentu Apoiu Dezenvolvimentu Inovasaun Emprezariál Ilario da Cruz hateten, Objetivu prinsipal husi Kompetisaun Negósiu Inovativu ne’e, atu fo oportunidade no eleva Foin-sae sira hodi explora sira nia poténsia iha area negósiu hodi kontribui ba kresimentu ekonómia iha Timor-Leste liu husi hasae númeru emprezáriu foin sae sira iha area Micro Pequena no Media Empreza.
“ Objetivu husi Kompetisaun Inovativu ne’e ita atu kria empreza foun liu-liu ba empreza Micro Pequena e Media Empreza sira, liu-liu ba Jovem sira oinsa bele loke sevisu ba sira nia’an, tanba ita hakarak Jovem sira ne’ebé maka ninia servisu inovativu mai ho talentu ida ne’ebé maka diak hodi nune’e sir abele dezenvolve negósiu ne’e ho diak, tanba iha fasa dahuluk ita apoiu ona Empreza hamutuk 29, ba faze daruak nian ita apoiu Grúpu 44 no fo servisu ba ema hamutuk 341” Xefe Departamentu ne’e esplika.
Kritéria Elizibilidade ba Kompetisaun Negósiu Inovativu maka hanesan, Jovem feto ho Mane ho Nasionalidade Timor Oan, idade husi 18 to’o 35, Jovem sira ne’ebe mai ho ideia Negósiu Inovativu iha Setór Produtivu hanesan Agrikultura, Peskas, Indústria, Komérsiu, Turismo, Teknolójia, no Inovasaun Ai-Han, nomos propriedade ba Jovem sira ne’ebe iha Munisipiu.
Atu submete aplikasaun no foti aplikasaun bele hakat ba Ekipa MTCI iha Munisipiu, no Data ikus hatama aplikasaun iha loron 04 Fulan Outubru.
Entretantu Programa ne’e realiza parseria entre Governu liu MTCI, Intituto de Apoiu Dezenvolvimentu Emprezarial (IADE), ho Programa Nasoens Unidas ba Dezenvolvimentu (PNUD) inklui KOICA liu husi Project Youth Employment and Entrepreneurship Skills (YEES).
Jornalista : Tynho Gusmão
Editór : Tynho Gusmão
Discussion about this post