Cova5 News (18-10-2022) Servisu Saúde liu husi Ofisiál Planu Polítiku Asaun Tersa-Feira ne’e halo Sosializasaun konaba matadalan planu estratéjia Nasionál Setór Saúde ba tinan 2020-2030, no sosializa mos matadalan konaba pakote servisu esensiál, inklui matadalan konaba servisu parserial hanesan Setor Privadu ne’ebe duránte ne’e servisu hamutuk ho Ministériu Saúde.
Ofisiál Planu Polítiku Asaun Bernadino Armando da Silva hateten, sosializa Matadalan tolu ne’ebe aprovadu sai hanesan guia ida ne’ebe, servidór Saúde sira atu halo tuir hodi intende didiak ida-idak nia servisu.
“Ohin ita halo sosializasaun matadalan ne’ebe maka ita halo elaborasaun Planu Estratéjia Nasionál Setór Saúde ne’ebe ita hetan segundu revizaun on aba 2020-2030, ne’ebe ohin ita sei aprezenta matadalan Planu Estratéjia Nasiona Setór Saúde ba 2020-2030, Segundu Matadalan konaba pakote ssservisu esensial ne’ebe liga liu ba kuidadu saúde primária, terseiru matadalan konaba servisu parserial ne’ebe maka hanesan ekipa ida, hanesan setór privadu sira ne’ebe maka servisu hamutuk ho Ministériu Saúde, ne’ebe matadalan tolu ne’e aprovadu, matadalan tolu ne’e hanesan guia ida ba Servidór Saúde sira atu halo tuir no bele hatene ida-idak nia servisu” Bernadino dehan.
Bernadino Armando da Silva hateten, Ministériu Saúde iha aspetu tolu maka atu halo, maka hanesan Kuidadu Saúde primária, Kuidadu Saúde Sekundária no terseira, maibe dadaun ne’e, sei foku liu ba Kuidadu Saúde Primária.
“ Ministériu Saúde iha aspetu tolu maka tenke halo servisu, primeiru maka Kuidadu Saúde Primária, ida seluk maka Kuidadu Saúde Sekundária, inklui ho terseira, maibe ba ohin ho aban ne’e ita sei fokus liu ba servidór Saúde ba iha area kuidadu Saúde Primária” Bernadino dehan.
Entretantu Sosializasaun ne’e sei realiza duránte loron rua ne’ebe hahu ohin, iha Edifisiu Sentru Saúde Polo iha Covalima, ne’ebe partisipa husi Pesoal Saúde sira iha Munisipiu Covalima.
Jornalista : Jinho Gusmão & Narcisio Dos Reis
Editór : Tynho Gusmão
Discussion about this post