Cova5 News (02-09-2022) Grúpu Organizasaun Arte Marsiais PSHT iha Munisipiu Covalima sexta-feira ne’e realiza missa agradesiméntu iha Igreja Ave Maria Suai ne’ebe prejidi husi Amu Pároku Sebatião Amaral ba ezisténsia Organizasaun Arte Marsiais PSHT nian iha Mundu.
Hafoin remata missa, membru organizasaun PSHT sira kontinua ba kari aifunan no sunu lilin iha Monumentu Setembro Negro Suai.
Ba Cova5 News Sekretáriu PSHT Munisipiu Covalima Damião Amaral hateten, ezisténsia Organizasaun Arte Marsiais PSHT iha Mundu tama ona tinan atus ida (100), tanba ne’e maka halibur membru PSHT sira iha Covalima hodi halo misa agradesimentu no kari aifunan iha Monumentu Setembro Negro Suai.
“Loron espesial ba ami nia bulan sulo, ne’ebe ohin mos loron espesial ba ami Organizasaun PSHT iha Mundu, tanba ezisténsia PSHT iha Mundu tama ona tinan atus ida, ho ida ne’e maka ami halibur ami nia membru sira, ami hamutuk ohin halo missa agradesimentu, misa agradesimentu ida ne’e laos ami iha Covalima deit, kuaze território Timor laran tomak” Damião Amaral dehan iha Monumentu Setembru Negro Suai.
Sekretáriu PSHT Munisipiu Covalima ne’e husu ba membru PSHT 3772 iha Munisipiu Covalima, tenke kumpri orientasaun husi estrutura Munisipiu, ida-idak tenke iha konsiénsia no moral labele uja farda organizasaun Arte Marsiais nian iha fatin públiku.
“Total membru PSHT iha Covalima hamutuk 3772, ne’ebe hau husu ba sira hotu tenke iha konsiénsia no moral, labele “terpengaruh” ba situasaun ne’ebe agora dadaun akontese iha Dili husik Autoridade kompotente maka resolve, depois labele uja farda lori lao ba lao mai iha fatin públiku ne’e orientasaun husi estrutua Munisipiu” Damião hateten.
Entretantu total membru PSHT iha Munisipiu Covalima hamutuk 3772.
Jornalísta : Tynho Gusmão
Editór : Tynho Gusmão
Discussion about this post