Cova5 news (10/02/2023) Servisu Agrikultur Munisipiu Covalima (SAMC) identifka ona to’os ho nia luan atus hitu resin iha Postu Administrativu ha’at (4) iha Munisipiu Covalima. ne’ebe afeta husi dezastre natural, ne’ebe kauza husi udan ho anin bo’ot hodi estraga to’os nain sira nia batar iha to’os laran ho luan 178,03.
Imformasaun ne’e hato’o husi Diretor Servisu Agrikultor Munisipiu Covalima Domingos Gusmao iha Sexta ne’e (10/02).
” Hau hanoin buat Ida dezastre naturais kuandu epoka chuva nian ne’ebe ita la bele ses husi dezastre hirak ne’e,ita hotu hatene tinan ba tinan quandu udan ona Timor-leste espesial Covalima afetadu ba dezastre naturais nian tantu udan tantu korente mota nian no mos anin bo’ot hanesan foin lalais akontese ne’e.”hateten Diretor Servisu Agrikultura Covalima.
Enkuantu Diretor ne’e informa ekipa tekniku sira iha base halo ona identifika ba agrikultor sira nia to’os ne’ebe hatan estragus.
“Tekniku sira iha base identifika ona estragus hirak nee nebe relatoriu mos agora dadaun iha xefe departamentu sira rasik elabora hotu ona no relatoriu hato’o ona ba Administrador Munisipiu no mos ba iha Ministeriu no ba iha diresaun Jeral no Diretor sira destare hirak nee kauza husi dezastre naturais ne’e rasik Ita hotu hatene foin lalais anin bo’ot kuaze semana rua ka tolu,nia kauja ne’e los duni hetan estragus.”Katak nia.
Entretantu Postu Administrativu ha’at (4) mak afetadu ba dezastre natural mak hanesan Tilomar ho nia luan 62,25 to’os ne’ebe afetadu hamutuk 134,Maukatar Luan ka area 272,7 komunidade afetadu 475,Fatululik ho Nia Luan ka area 372,63 toos ne’ebe afetadu 628 Fatumea Luan ka area ini 73,25 to’os ne’ebe afetadu 165 no total hamutuk bayar toos neebe afetadu hamutuk 1402.
Jornalista:jinho Gusmão
Editor:Januario Barros
Discussion about this post