Cova5 News (15/07/2022) Rejultadu Teste Mina Feto Kamaus iha Suku Matai Postu Administrativu Maukatar no Posu Liurai iha Suku Kamenasa Postu Administrativu Suai, iha rejultadu pozitivu ho valor ekonómia ne’ebe bo’ot.
Tuir Country Manager Kompaña Timor Recource Filomeno Andrade ba Jornalista sira hateten, Perfurasaun iha Posu mina matan Feto Kamaus no Postu liurai iha ona rejultadu, maibe laos hetan deit mina, maibe hetan mos gás tanba ne’e konsidera iha hotu valor ekonómia.
Informasaun ne’e hato’o husi Country Manager Timor Recource Filomeno de Andrade iha Mina Matan Posu Lafaek iha Suku Labarai Postu Suai iha sexta-feira ohin.
“Rejultadu fo sai tiha ona katak deskoberta, kuandu ita dehan deskoberta ne’e siknifika mina ne’ebe maka iha ne’eba iha ne’e posibilidadade ba komersiál, tanba iha feto kamaus biar iha Feto Kamaus ita fura deit metro 660 m maibe mina hetan kuantidade diak, maibe iha ne’eba ita hetan mos gás” Filomeno Andrade dehan iha sesta feira ohin (15/07).
Country Manajer Timor Resource ne’e informa, Perfurasaun mina matan iha Posu Feto kamaus iha ona Rejultadu ne’ebe hatudu, maski ho perfunidade la to’o tarzetu metro rihun ida resin, tanba ho de’it metro atus 6 resin, maibé identifika Iha gás no Mina kuaze Barel rihun 4 resin iha feto kamaus
“ Iha ne’eba konfirma ona katak iha valor ekonómia, iha ne’eba kustu barak liu ne’ebe tenke hare fila fali, maibe iha ne’eba ita fura ho deit metro atus ne’en maibe ita hetan ona mina barel rihun ha’at resin, maibe kuandu ita tun tan to’o tarjetu rihun ida entaun ita mos hetan persentazem ne’e maka’as, depois iha ne’eba gás mos maka’as” Filomeno informa.
Entertantu dadaun ne,e atividade Pefurasaun Mina, sei hahú fali iha Posu Lafaek iha Suku Labarai Postu Suai, iha inisíu fulan Agostu tinan ne,e.
Jornalista :Ekipa Kobertura ba Cova5 News
Editór : Tynho Gusmão
Discussion about this post