Cova5 News (01-09-2022) Kinta-Feira ohin Grupu Organizasaun Arte Marsiais THS/THM iha Munisipiu Covalima realiza misa agradesimentu iha Igreja Ave Maria Suai ba Fundador THS/THM Padre Martinus Hadiwijoyo iha Indonésia ne’ebe remata nia peregrinasaun iha Mundo.
Ba Cova5 News Cordenador THS/THM Munisipiu Covalima Felixberto Araújo de Jesus sente triste tanba sente lakon sira nia lider diak ida.
“Halo misa agradesimentu ida ne’e tanba ami THS/THM iha Mundo tomak lakon ami nia aman Pendekar Martins Hadiwijoyo Fundador THS/THM nian, horibainruak ami rona informasaun katak nia mate ona, dehan nia mate ne’e sofre husi moras ne’ebe nia iha, entaun ami labele hamutuk ho ami nia maluk sira iha rai seluk, entaun hau hamutuk ho membru THS/THM iha Covalima ami horikalan hader aifunan, depois ohin ami halo misa agradesimentu iha Igreja Ave Maria Suai”
Kordenador THS dehan iha Igreja Ave Maria Suai (01/09)
Kordenador THS/THM Covalima ne’e informa, Kinta-Feira ohin sei halo Serimónia funebre ba Mate isin Martinus Hadiwijoyo iha Jakarta Indonesia, tanba ne’e oras ida tuku 5 lokraik Grupo THS/THM iha Covalima sei kari aifunan no sunu lilin iha Monumentu Setembru Negro Suai.
“ Ohin halo ona ninia serimónia funebre iha Jakarta Indonesia, ne’ebe oras ida ami mos sei kari aifunan no sunu lilin iha semitériu Setembru Negro Suai, maske nia dok husi Timor” Felixberto dehan.
Entretantu Membru THS/THM iha Munisipiu Covalima hamutuk 783
Jornalista : Narsizio dos Reis & Adriano Gusmão
Editór : Tynho Gusmão
Discussion about this post