Cova5 news (14/05/2023) Domingu horseik Organizasaun Rotaract Club of Covalima (ROCCOV), ne’ebe hetan apoiu hosi Rotary Internasional Governament 9560 servisu hamutuk distribui Material Solár Budy hodi komemora loron 20 de maio nian, Tamba 20 de maio loron Aniversário independensia Timor Leste nian, ho ida ne’e organizasaun Rotaract Club Of Covalima hetan ajuda husi Rotary internasional District Of governament 9560, ho inisiativa rasik ho fuan ne’ebe bot no hadomi Estudante hodi,oferese ba solar Badi ba Estudante Eskola Basika Central 11 de Março ho Eskola Basica Filial Purpiti.
Imformasaun ne’e hato’o husi Representante Presidente Rotaract Club of Covalima Cornelio Barros Amaral.
” Objetivu prinsipal husi distribuisaun Solár Budy ida ne’e ba alin estudante sira hosi EBC 11 de Março ho EBF Purbiti, Organizasaun Rotarak Club of Covalima atu selebra loron 20 de Maio ho alin estudante sira, tanba estudante sira mak sai ajente transformadór hodi desenvolve ita nia Nasaun tanba xave hosi dezenvolvimentu mak Rekursu Umano, nune’e Organizasaun Rotarak Club Of Covalima antes ne’e halo kordena ho Autoridade Lokál tanba fatin refere/ Aldeia Refere Seidauk asesu ba eleteisidade,”Hateten Representante Cornelio Barros Amaral, iha aldeia Busadao.Domigu (14/05/2023).
Iha sorin seluk Representante Sefe Aldeia Busadao Mouzinho Amaral esplika,kontete tebes,tanba husi organizasaun Rotarak Club Of Covalima distribui Solár budy ba Estudante EBC 11 de Março Busadao, ho Estudante EBF Purbiti, Solár budi ne’e ho valor bo’ot tebes ba estudante sira Hodi estuda iha tempu kalan.
” Ha’u sente kontente tebes tanba husi Organizasaun Rotarak Club Of Covalima mai fahe ona sasan hanesan Solár Budy ba ami nia alin, oan sira estudante hosi EBC 11 de Março ho EBF Purbiti, hodi ajuda sira bele estuda, hodi nune’e sira bele mudansa ituan ba oin, Solár Budy ne’e ho nia valór ne’ebé bo’ot tebes, ba ita nia alin ka oan sira ne’ebé mak estudante kalan sira bele iza hodi estuda hodi mudansa ba sira nia an rasik atu nune’e bele mudansa ba futuro oin mai,”Katak Representante Sefe Aldeia Busasao Mouzinho Amaral.
Tuir Estudante Santiago Amaral mos re afirma, Sente orgulho tanba husi organizasaun Rotarak Club of Covalima distribui material solár Budy ba estudante sira hodi fo naroman ba sira hodi estuda iha tempu kalan, tanba durante ne’e Aldeia refere seidauk asesu ba eletrisidade, sira estuda iha nakukun laran.
” Ha’u sente orgullu tebes tanba simu ona Solár Budy, tanba durante ne’e ami estuda iha nakukun laran, maibé agora hosi Organizasaun Rotarak Club Of Covalima, ajuda ami simu ona solár Budy, hodi ami bele estuda iha naroman,”Dehan Estudante Santiago Amaral ba Jornalista Cova5 news.
Entretantu Distribui Solár Bady ba Estudante sira hosi Eskola Basika Central 11 de Março ho Eskola Basika Filial Purpiti, hosi 2• ano ate 3• ano, total Feto 17, Mane 23, no total hamutuk 40.
Jornalísta : Marco Cortereal
Editór :Januario de jesus Barros
Discussion about this post