Covalima News (28/06/2022) – Relasiona ho publikasaun ne’ebe iha Mídia Sosial iha loron 27 fulan ne’e konaba, Deputadu Bankada CNRT Jose Virgilho kontra attitude Administrador Munisipiu Covalima (AMC) ne’ebé mak hasai funsionáriu kontratadu Bee Timor Leste (BTL) iha Munisipiu Covalima sein fo justifikasaun.
Relasiona ho preokupasaun ne’e Administrador Munisipiu Covalima Francisco de Andrade iha nia kna’ar fatin Tersa-Feira ohin informa, nia laos hasai funsionáriu ne’e, Maibe Funsionáriu ne’e nia kontratu maka sei termina iha loron 30 fula Juñu 2022.
“Ami laos duni sai nia, maibe ninia kontratu maka sei remata iha loron 30 fulan ne’e, siknifika katak sira ne’e selu ona orsamentu bens de servisu, entaun nia kontratu ne’e para ona, ne’ebe laos ami maka hasai tuir ami nia hakarak, liafuan ida “hasai” ne’e la justu, tanba bainhira ami hasai entaun siknika nia kontratu ne’e sei iha, maibe ida ne’e nia kontratu maka sei remata iha loron 30 fulan ne’e” Administrador Informa iha nia kna’ar fatin.
Entretantu Administrador Munisipiu Covalima ne’e informa, Funsionáriu hamutuk nain 3 ka 4 maka sei remata sira nia kontratu iha loron 30 fulan juñu 2022.
Jornalista : Tynho Gusmão & Jino Gusmão
Editór : Tynho Gusmão
Discussion about this post