Covalima News (07/07/2022) – Kuarta-Feira ohin (07/07) Protesaun Sivil Timor Leste Liu husi Diresaun Nasional Jestaun Risku Dezastre (DNJRD) apoiu material konstrusaun ba vitima afetadu dezastre naturais ne’ebe hetan Dezastre iha tinan 2022 iha Covalima.
Ba Covalima news Xefe Ekipa Distribuitor Anacaleto Caetano esplika sasan ne’ebe sira apoiu ba kada vitima afetadu maka hanesan, Kalen, Semente, Besi, nsst inklui ho orsamentu Maun de obra hamutuk dolar Amerikanu Rihun ida.
” Sasan ne’ebe apoiu la hanesan uluk, tanba agora iha mudansa, ne’ebe sasan ne’ebe apoiu ba sira ne’e maka Semente 50, Besi kotak 50, pregu kalen, martelu, eskop, nsst, pokonia sasan kompletu inklui ho orsamentu rihun ida, ne’e sira ne’ebe hetan estragus total, ida ne’ebe la estragus total ne’e Osan atus ne’en resin, ne’ebe agora Governu aumenta sasan, ne’ebe vitima ne’ebe ita apoiu ne’e hamutuk 14″ Anacaleto dehan iha Edifisiu Seguransa Sivil Nia oin (07/07)
Anacaleto Caetano ne’e informa, Vitima ne’ebe hetan ona Apoiu tenke konstrui hikas uma ne’ebe hetan estragus, bainhira benefisiarius sira la konstrui maka Lei Protesaun Sivil sei kondena Vitima hirak ne’e.
” Ba sira ne’ebe maka hetan ona apoiu material konstrusaun, maibe sira la konstrui hikas uma ne’ebe hetan estragus maka Lei Protesaun Sivil sei fo sansaun ba sira, ne’ebe hau husu ba vitima sira ne’ebe hetan ona apoiu material tenke konstrui fali uma ne’e” Anacaleto dehan.
Iha Fatin ne’e Benefisiarius Francisco Ferreira husi Postu Fatululik Aldeia Fatuloro, agradese ba Governu tanba bele hakmaan situasaun difisil nebe Nia enfrenta.
” Hau nia uma ne’e Ai maka hanehan, pas iha tempu anin bot, ne’ebe ohin loron hau agradese tebes ba Governu tanba sira apoiu ona hau hodi hakman todan ne’ebe hau sente” Francisco expresa
Entretantu Vitima Dezastre Naturais hamutuk 14 ne’e husi Postu Suai, Tilomar, Maukatar, Fatululik inklui Zumalai.
Jornalista : Tynho Gusmão & Ajo Noronha
Editor : Tynho Gusmão
Discussion about this post