Cova5 News (17/04/2023) Kondisaun Eskola Basika Filial (EBF) Tobur at maka Koordenador Eskola husu Ministru Edukasaun Juventude no Desportu (MEJD) Armindo Maia atu tau matan, tanba kondisaun Eskola refere a’at komesa husi tinan 2016 ate agora seidauk hadia.
Parte husi EBF 1,2 Tobur Partensia iha Suku Beco Postu Administrativu Suai Munisipiu Covalima,Kordenador EBF Tobur hato’o ona karta ba Servisu Edukasaun Munisipiu Covalima no mos Nasional,maibe ate agora Seidauk responde.
Imformasaun né’e hato’o husi Kordenador Eskola Basika Filial (EBF) 1,2 Tobur João Maknho ba Jornalista sira segunda feira ne’e (17/04).
“EBF 1,2 Tobur a’at komesa Iha tinan 2016, ate agora, ne’ebe ami nu’udar professor hanorin iha sala laran obriga a’an, tamba anin loke hotu ona ami nia eskola sala ida tomak, no mos hakat mos ba sala rua ne’ebe kondisaun grave tebes, ami husu ba governu ho Ministeriu Edukasaun Juventude no Desportu atu nune’e bele tau matan mai ami nia eskola refere,” katak Kordenador EBF 1,2 Tobur João Magno.
Alende ne’e mos reprezentante Estudante EBF 1,2 Tobur Fransisca Cardoso hateten, nu’udar Estudante husu ba Ministeriu Edukasaun Juventude no Desportu atu nune’e hadia sira nia eskola, tamba iha tempu udan no anin, Estudante sira aprende la ho Seguru.
“Ami nu’udar Estudante EBF 1,2 Tobur karik udan ami labele eskola, tamba ami nia eskola kondisaun grave tebes ho ida ne’e ami husu ba Ministeriu Edukasaun Juventude no Desportu atu bele tau matan mai ami Estudante Iha EBF 1,2 Tobur, atu bele aprende ho hakmatek,” hateten reprezentante estudante EBF 1,2 Tobur.
Entretantu Professor EBF 1,2 Tobur, hamutuk nain 3, ne’ebe hanorin Estudante Iha EBF 1,2 Tobur hamutuk 45.
Relasiona ho notisia ne’e publika Jornalista Cova5.News seidauk halo komfirmasaun parte Edukasaun Munisipiu, relasiona ho eskola refere.
Jornalista : Adriano Gusmão
Editor : Januario Barros
Discussion about this post