Cova5 News (11/07/2022) Segunda Feira ohin (11-07-2022) Sekretáriu Estadu Juventude no Desportu (SEJD) servisu hamutuk ho Ministériu Edukasaun Juventude no Desportu (MEJD) halo abertura ba atividades prátika despórtu jinástika ba Estudante Ensinu Báziku no Sekundáriu sira iha Munisipiu Covalima.
Ba Covalima News Xefe Departementu Desportu Eskolar no Edukasaun Sívika Egas Freitas de Rosa iha nia intervista hateten, Realiza atividades ne’e ho objetivu oinsa bele haforsa Estudante sira nia saúde no Fíziku hodi nune’e bele moris ho saudável.
“ Ita realiza atividades Jinastika Timor-Leste ninian Obejetivu Prinsipal hare ba saude Estudante no Profesor atu bele iha fiziku Ne’ebé saúdavel, no aktividade ida ne’e antes realiza ita hetan ona koperasaun ho sekretariu estadu Desportu no Ministru Edukasaun ninian no Diresaun Municipiu Covalima ninian husu Sira Nia ajuda tomak fo autorizasaun mai husi Sekretariu estadu Juventude Desportu liu husi Diresaun atu bele kordenasaun hamutuk ho Eskola ka Direktur Sira ne’ebe maka Ezisti iha Covalima”Hateten Xefe Departamentu Desporto Eskolar no Edukasaun Sivika Egas Freiras De Rosa.
Entretantu atividades prátika despórtu jinástika ne’e sei halao durante loron 6 ne’ebe hahu ohin sei remata iha loron sabadu semana ne’e,
Atividades ne’e realiza iha kampu EX SMP2, ne’ebe hetan partisipasaun husi Estudante Ensinu báziku Sândalo, Kafe, EBC Ogues, inklui ESGP Suai, ESKAM Suai nsst.
Jornalista : Narsizio dos Reis.
Editor : Tinho Gusmão.
Discussion about this post