KRAM Disemina 2⁰ Diretiva No Reabertura Prátika OAM No OAR Iha Covalima

Cova5News (05/07/2022) – Tersa-Feira ohin Sekretáriadu Estadu juventude no Desportu Ho Komisaun Reguladora Arte Marsiais (KRAM)Timor Leste hamutuk ho Autoridade Munisipiu halo diseminasaun 2° diretiva no halo reabertura prátika Organizasaun Arte Marsiais (OAM) no Organizasaun Arte Rituais (OAM) iha Munisipiu Covalima.

Ba Jornalista sira Presidente Komisaun Reguladora Arte Marsiais Octavio da Conçeicão esplika, iha 2° diretiva, Komisaun Reguladora Arte Marsiais (KRAM) hatur mata dalan lima (5), hanesan, resensiamentu ba membru sira, prosedimentu ba fatin treinamentu, prosedimentu sertifikadu ba treinador sira, matadalan ba prosessu disiplinar, inklui konsellu disiplinar sira.

“Aktividades ba arte marsiais sira ne’e ita hanoin para atu asegura sira nia atividades, tanba ne’e maka KRAM hamosu fali segunda diretiva KRAM, segunda diretiva kram ne’e atu introdus servisu sira ne’ebe maka lideransa arte marsiais sira bele halo, ne’ebe iha segunda diretiva ne’e KRAM hatur matadalan lima, primeiru halo resensiamentu ba membru sira, depois prosedimentu ba fatin treinamentu, prosedimentu sertifikadu ba treinador sira, depois mata dalan ba disiplinar no ikus liu maka konaba kosellu disiplinar sira” octavio dehan iha Salaun Uma Feto Covalima.

Iha fatin ne’e, Lider Arte Marsiais KORK iha Munisipiu Covalima Justino Guterres Maia promesa, sei kumpri regulamentu husi Komisaun Reguladora Arte Marsiais hodi kontribui ba dezenvolvimentu no minimiza konflitu sira ne’ebe akontese iha pasadu.

“Ami sente orgullu ba segunda reativa ida ne’e, ne’ebe hanesan Covalima oan hakarak kontribui ba dezenvolvimentu, depois labele halo konflitu hanesan uluk, ne’ebe ami organizasaun hirak ne’e hola parte iha ne’e, ami sei tau hanoin hamutuk hodi nafatin kria amizade hodi minimiza konflitu sira ne;ebe maka akontese iha tinan hirak liu ba” Justino Guterres Maia dehan.

Iha Diseminasaun 2° diretiva no reabertura prátika OAM no OAR ne’e realiza iha Salaun Uma Feto Covalima “Gedung Wanita” ne’e marka prezensa husi Organizasaun Arte Marsiais KORK, IKS Kera Sakti, PSHT, Serulin Dewata, Taekondo nstt.

Entretantu aleinde ne’e, Presidente KRAM Nasional Octavio da Conçeicão vijita mos ba Fatin Treinamentu husi Organizasaun Arte marsiais KORK, IKS inklui PSHT.

Jornalista : Narsizio dos Reis & Adriano Gusmão
Editór : Tynho Gusmão